అమీర్​పేటను ఆదర్శంగా తీర్చిదిద్దుతా : సరళ

అమీర్​పేట డివిజన్ పాలకుల నిర్లక్ష్యం వల్ల నిరాదరణకు గురైందని భాజపా అభ్యర్థి కేతినేని సరళ ఆరోపించారు. తనను గెలిపిస్తే ఆదర్శవంతంగా తీర్చిదిద్దుతానని డివిజన్ ప్రజలకు హామీ ఇచ్చారు. ప్రతి ఒక్కరు కమలం పువ్వు గుర్తుకు ఓటు వేసి తనను గెలిపించాలని విజ్ఞప్తి చేశారు.

ప్రజారోగ్యం, సంక్షేమమే తమ లక్ష్యమని, పేదల సమస్యలను పరిష్కరించే దిశగా పని చేస్తానని అమీర్​పేట డివిజన్ భాజపా అభ్యర్థి కేతినేని సరళ అన్నారు. డివిజన్​ను ఆదర్శంగా తీర్చిదిద్దేందుకు శక్తివంచన లేకుండా కృషి చేస్తానన్నారు. పార్టీలో ఒక సామాన్య కార్యకర్తగా ఉన్న తనను అధిష్టానం గుర్తించి అభ్యర్థిగా ఎంపిక చేసినందుకు కృతజ్ఞతలు తెలిపారు.

పాలకుల నిరాదరణకు గురై డివిజన్ అస్తవ్యస్తంగా తయారైందని ఆవేదన వ్యక్తం చేశారు. తప్పక విజయం సాధిస్తానని, అత్యధిక మెజారిటీతో గెలిచి తీరుతానని ఆమె ధీమా వ్యక్తం చేశారు.