ఏపీలో దారుణం జరిగింది. కువైట్‌లో ఉన్న తన భార్యను స్వస్థలానికి రావాలని కోరుతున్న ఆమె భర్త ఉరేసుకుంటున్నట్లు బెదిరించబోయి చివరకు ప్రాణాలను పోగొట్టుకున్నాడు. ఆంధ్రప్రదేశ్లోని పశ్చిమగోదావరి జిల్లా తాళ్లపూడి ఎస్సై సతీశ్ కథనం ప్రకారం.. తాళ్లపూడి మండలం మలకపల్లికి చెందిన జి.గణేశ్ (35) భార్య బతుకుదెరువు కోసం 5 నెలల కిందట కువైట్‌ వెళ్లింది.
ఆమెను ఇంటికి వచ్చేయమని కోరుతున్న భర్త... ఆదివారం రాత్రి ఉరేసుకుంటున్నట్లు బెదిరిద్దామని ఫ్యాన్‌కు తాడు బిగించాడు. అది ప్రమాదవశాత్తూ మెడకు బిగుసుకుపోవడంతో గణేశ్ మృతి చెందాడు. ఈ ఉదంతం అంతా సెల్ఫీ వీడియోలో నిక్షిప్తం అయింది. బంధువుల ఫిర్యాదు మేరకు సోమవారం కేసు నమోదు చేసినట్లు ఎస్సై చెప్పారు.
ఇవీ చూడండి: ప్రతి ఉత్పత్తిపై ఓరియంటల్ ఇన్సూరెన్స్: నిరంజన్ రెడ్డి
