దక్షిణ మధ్య రైల్వేకు 4 జాతీయ అవార్డులు

ఇంధన పొదుపు విషయంలో దక్షిణ మధ్య రైల్వే 4 జాతీయ అవార్డులను కైవసం చేసుకుంది. ఈ అవార్డులను సీఐఐ ఈ నెల 18న తన వార్షిక సమావేశాల్లో ప్రకటించినట్లు ద. మ. రైల్వే తెలిపింది.

ఇంధన పొదుపు చర్యలకు ఫలితంగా 2019 సంవత్సరానికి గాను దక్షిణ మధ్య రైల్వే నాలుగు జాతీయ అవార్డులను సాధించింది. కాన్పడరేషన్ ఆఫ్ ఇండియన్ ఇండస్ట్రీ (సీఐఐ) ఏటా ప్రకటించే ఈ అవార్డులకు మొత్తం జోనల్ రైల్వేలు, కేంద్ర ప్రభుత్వ సంస్థలు పాల్గొన్నా... ద. మ. రైల్వేకి అత్యధిక అవార్డులు రావడం విశేషం. ఇంధన పొదుపును పెంచేందుకు సీఐఐ ఈ అవార్డులను ఇస్తుంది. ఈ పోటీలలో భవనాల విభాగంలో మొట్టమొదటి సారిగా పాల్గొన్న దక్షిణ మధ్య రైల్వే తన పరిధిలోని రైల్ నిలయం, సికింద్రాబాద్ రైల్వే స్టేషన్, లేఖ భవన్, సికింద్రాబాద్ డివిజన్ ప్రధాన కార్యాలయం భవనాలకుగాను 4 అవార్డులను సాధించినట్లు ద. మ. రైల్వే తెలిపింది. ఈ నెల 18న సీఐఐ వార్షిక సమావేశాల్లో ఈ అవార్డుల్ని ప్రకటించగా సంబంధిత అధికారుల్ని జోన్​ జనరల్​ మేనేజర్​ గజానన్​ మాల్య అభినందించారు.

ఇదీ చూడండి: 'చెప్పకుండా టీవీ చర్చల్లో పాల్గొంటే చిక్కుల్లో పడతారు'