పేదలకు కూరగాయలు పంపిణీ చేసిన ఎమ్మెల్యే హరిప్రియ

భద్రాద్రి కొత్తగూడెం జిల్లా ఇల్లందులోని పలు గ్రామాల్లోని పేదలకు ఎమ్మెల్యే హరిప్రియ కూరగాయలను పంపిణీ చేశారు. ప్రతి ఒక్కరూ లాక్​డౌన్​ నిబంధనలను పాటించాలని సూచించారు.

భద్రాద్రి కొత్తగూడెం జిల్లా ఇల్లందు మండలంలోని ఒడ్డుగూడెం, ముకుందాపురం గ్రామాల్లో లాక్​డౌన్ కారణంగా ఇబ్బందులు ఎదుర్కొంటున్న నిరుపేదలకు, వలసకూలీలకు ఎమ్మెల్యే హరిప్రియ నిత్యావసరాలను పంపిణీ చేశారు.

1160 మంది పేదలకు కూరగాయలను ఆమె వితరణ చేశారు. ఇల్లందు నియోజకవర్గంలో పలువురు దాతలు లాక్​డౌన్​ నేపథ్యంలో సాయం చేయడానికి ముందుకురావడం అభినందనీయమని... పేదలను ఆదుకోవడానికి ప్రతి ఒక్కరూ తమ వంతు సాయంచేయాలని ఆమె ప్రజలను కోరారు. ప్రతి ఒక్కరూ లాక్​డౌన్ నిబంధనలు పాటించాలని.. మాస్కులు ధరించి, భౌతిక దూరం పాటించాలని ఆమె విజ్ఞప్తి చేశారు.

ఇదీ చూడండి : మీరు నీలిచిత్రాలు చూస్తున్నారా... జాగ్రత్త