'మున్సిపల్ ఎన్నికల బరిలో తెదేపా ఉంటుంది'

మిత్రపక్షాలతో కలిసి మున్సిపాలిటీ బరిలో తెదేపా దిగనున్నట్లు ఎమ్మెల్యే మెచ్చా నాగేశ్వరరావు తెలిపారు. అశ్వరావుపేట పార్టీ కార్యాలయంలో నిర్వహించిన నూతన సంవత్సర వేడుకల్లో ఆయన పాల్గొన్నారు.

రాబోయే మున్సిపాలిటీ ఎన్నికల్లో తెలుగుదేశం అన్ని స్థానాల్లో పోటీ చేస్తుందని అశ్వారావుపేట ఎమ్మెల్యే మెచ్చా నాగేశ్వరరావు అన్నారు. భద్రాద్రి కొత్తగూడెం జిల్లా అశ్వారావుపేట పార్టీ కార్యాలయంలో నిర్వహించిన నూతన సంవత్సర వేడుకల్లో ఆయన పాల్గొన్నారు. కాంగ్రెస్, సీపీఐ, సీపీఎంతో కలిసి పోటి చేయనున్నట్లు ఆయన వెల్లడించారు. ఈ మేరకు అధిష్ఠానం నుంచి ఆదేశాలు వచ్చినట్లు పేర్కొన్నారు.

ఇదీ చూడండి: రెండురోజుల్లో ఎన్ని"కోట్లు" తాగేశారో తెలుసా?