మణుగూరులో మహాత్మ మారథాన్ 5కే రన్

గాంధీ జయంతిని పురస్కరించుకుని మణుగూరులో క్రీడాకారులు మహాత్మ మారథాన్ 5కే రన్​ని నిర్వహించారు. గెలుపొందిన వారికి తొగ్గుడెం సర్పంచ్​ బహుమతులు ప్రదానం చేశారు. భవిష్యత్తులో క్రీడా పోటీల్లో పాల్గొని మరిన్ని పథకాలు సాధించాలని ఆకాంక్షించారు.

భద్రాద్రి కొత్తగూడెం జిల్లా మణుగూరులో గాంధీ జయంతి సందర్భంగా ఫిట్ ఇండియా పౌండేషన్ ఆధ్వర్యంలో క్రీడాకారులు మహాత్మ మారథాన్ 5కే రన్​ని నిర్వహించారు. తొగ్గుడెం నుంచి రైల్వేస్టేషన్ వరకు కొనసాగిన పరుగులో 23 మంది క్రీడాకారులు పాల్గొన్నారు.

గెలుపొందిన క్రీడాకారులకు తొగ్గుడెం సర్పంచ్​ బొగ్గం రజిత బహుమతులు ప్రధానం చేశారు. ఆదర్శంగా నిలిచేలా గిరిజన గ్రామాల్లో మారథాన్ 5కే రన్​ని నిర్వహించడం అభినందనీయమన్నారు. ఇదే స్ఫూర్తితో క్రీడాకారులు భవిష్యత్తులో క్రీడా పోటీల్లో పాల్గొని మంచి పథకాలు సాధించాలని ఆకాంక్షించారు.