భద్రాచలం చుట్టుపక్కల ఉన్న ప్రాంతాల్లో అన్నింటికంటే ముఖ్యమైనది పర్ణశాల. ఈ ప్రాంతం భద్రాచలం నుంచి సుమారుగా రెండు కిలోమీటర్ల దూరంలో ఉంది. వనవాస కాలంలో రాముడు... సీత, లక్ష్మణుడుతో కలిసి ఈ ప్రాంతంలో నివసించాడు. అప్పట్లో ఆకులతో నిర్మించిన ప్రదేశమే... ఈ పర్ణశాల. పర్ణశాల పరిసర ప్రాంతాలలో సీతా సమేతంగా రాములవారు నడయాడిన ఎన్నో గుర్తులు నేటికీ దర్శనమిస్తున్నాయి.
పసుపు, కుంకుమ శిలలు
సీతా రాముల వారు పండ్లు తిన్న పళ్లెం కూడా మనం చూడవచ్చు. మీరు చూస్తున్నవి సీతమ్మవారు ఆడిన వామన గుంటలు, ఆరేసిన నారచీర గుర్తులను ఇప్పటికీ మనం చూడవచ్చు. ఆచార్య ధర్మానికి ఆనవాలు సీత వాగు. నెలలో ఐదు రోజులు సీతమ్మవారు ఇక్కడ స్నానమాచరించే వారని ప్రతీతి. రాక్షసులు ప్రధానంగా వినికిడి, వాసన గుణాలను కలిగి ఉంటారు. అందుకే లక్ష్మణుుడు సూర్పణఖ ముక్కు చెవులను కోయుట వెనుక ఉన్న ఆంతర్యం. స్త్రీ సౌభాగ్యానికి ప్రధాన ద్రవ్యములు పసుపు కుంకుమలే అని తెలియజేసే పసుపు కుంకుమ శిలలు... జగదబి రాముడు కూర్చున్న రాతి సింహాసనం, ఏడేడు లోకాలు ఏలిన రామయ్య పాదాలు... నడుముకు చుట్టుకున్న నల్లని ఉత్తరీయం మనం చూడవచ్చు.
ప్రభుత్వమే చొరవ చూపాలి
అలనాటి ఆనవాళ్ళు నేటికీ సజీవంగా భక్తులకు దర్శన మిస్తున్నాయి. పర్ణశాలకు వచ్చిన భక్తులంతా సహజసిద్ధంగా ఉండే చిత్రాలను చూసి మంత్ర ముగ్దులు అవుతున్నారు. ఇంతటి చరిత్ర కలిగిన ఈ పర్ణశాలలో... వచ్చిన భక్తులకు సరైన సౌకర్యాలు లేక చాలా ఇబ్బందులు పాడల్సి వస్తోందని పర్యటకులు చెబుతున్నారు. ప్రభుత్వం చొరవ చూపి ఇక్కడ సకల సౌకర్యాలు కల్పించి మరింత అభివృద్ధి చేయాలని కోరుతున్నారు.
ఇవీ చూడండి: ఉన్నత విద్య ప్రవేశ పరీక్షల షెడ్యూల్ విడుదల
