శిరస్త్రాణం ధరించని వారికి జరిమానా

భద్రాద్రి కొత్తగూడెం జిల్లా ఇల్లెందులో ట్రాఫిక్​ నిబంధనలు పాటించని వాహనదారులపై పోలీసులు చర్యలు తీసుకున్నారు. శిరస్త్రాణం ధరించని ద్విచక్ర వాహనదారులకు జరిమానాలు విధించారు.

భద్రాద్రి కొత్తగూడెం జిల్లా ఇల్లెందు పట్టణంలో ట్రాఫిక్ నిబంధనలు పాటించకుండా, శిరస్త్రాణం ధరించకుండా వాహనాలపై వస్తున్న వారిపై పోలీసులు జరిమానాలు విధించారు. ఇటీవల శిరస్త్రాణం ధరించకపోవడం వల్ల మండలంలోని ఇద్దరు యువకులు ప్రమాదంలో చనిపోయారు. ఈ విషయాన్ని తెలియజేస్తూ పోలీసులు ఫ్లెక్సీలు ఏర్పాటు చేశారు.

పలుమార్లు హెల్మెట్ ధరించాలని సూచిస్తున్నా.. కొందరు పట్టణవాసులు పెడచెవిన పెట్టడం వల్ల పోలీసులు జరిమానాలు విధించడం ప్రారంభించారు. హెల్మెట్, పత్రాలు లేని వారిపై జరిమానాలు విధించారు.

ఇవీ చూడండి: మా ఊరికి రావొద్దంటూ.. డప్పుకొట్టి చెబుతున్నఅక్కడి గ్రామస్థులు