'పేదలందరికీ ప్రభుత్వం నగదు సాయం చేయాలి'

భద్రాద్రి కొత్తగూడెం జిల్లా ఇల్లందులో సీపీఐ నాయకులు తహసీల్దార్​కు వినతి పత్రం అందజేశారు. రేషన్​కార్డుతో సంబంధంలేకుండానే ప్రభుత్వం ఉచితంగా ఇస్తున్న బియ్యం, నగదు పేదలందరికీ అందేలా చర్యలు తీసుకోవాలని కోరారు.

రేషన్​కార్డుతో సంబంధం లేకుండా నిరుపేదలందరికీ రూ.1500 ఇవ్వాలని భద్రాద్రి కొత్తగూడెం జిల్లా ఇల్లందులో సీపీఐ నాయకులు తహసీల్దార్​కు వినతిపత్రం సమర్పించారు. లాక్​డౌన్​ వల్ల చాలా మంది ఉపాధి లేక ఇబ్బందులు పడుతున్నారని సీపీఐ నాయకులు వినతిపత్రంలో పేర్కొన్నారు. రేషన్​కార్డుల కోసం దరఖాస్తులు చేసుకున్నప్పటికీ ఇప్పటివరకు రాలేదని తెలిపారు.

కార్డులు లేక ప్రభుత్వం ఉచితంగా ఇస్తున్న బియ్యం, నగదు సాయం అందట్లేదని పేదలు పడుతున్న ఆవేదనను పరిగణలోకి తీసుకుని న్యాయం చేయాలని కోరారు. అర్హులైన అందరికీ రేషన్​కార్డులు మంజూరయ్యేలా చర్యలు తీసుకోవాలని తహసీల్దారును సీపీఐ నాయకులు కోరారు.

ఇదీ చూడండి : భోపాల్​ నుంచి విశాఖ వరకు.. చీకటి నింపిన గ్యాస్​ లీక్​లెన్నో..