ఆదిలాబాద్​లో భానుడి భగభగలు

మొన్నటి దాకా కరోనా భయంతో బయటకు రావడానికి భయపడిన జనాలు.. ఇప్పుడు ఎండ వేడిమికి అడుగు బయట పెట్టాలంటే జంకుతున్నారు. భగభగ మండుతున్న ఎండలకు జనసంచారం కనిపించకుండా రోడ్లన్నీ నిర్మానుష్యంగా మారిపోయాయి.

ఆదిలాబాద్​ జిల్లాలో ఎండల తీవ్రత పెరిగింది. మొన్నటి వరకు కరోనా భయంతో బయటకు రావడానికి భయపడిన జనం.. ఇప్పుడు ఎండల వేడికి బయటకు రావాలంటే భయపడుతున్నారు. రెండు రోజుల క్రితం 41.3 డిగ్రీలు నమోదైన ఉష్ణోగ్రతలు.. ఇప్పుడు 44 డిగ్రీలకు పెరిగింది.

ఆదిలాబాద్​ సహా.. ఉట్నూరు, బోథ్​, ఇచ్చోడ కేంద్రాల్లో జన సంచారమే లేదు. ఎండలతో పాటు.. వేడిగాలులు వీస్తూ.. జనాలు బయటకు రావాలంటేనే భయపడుతున్నారు.