ఆరో విడత హరితహారం కార్యక్రమంలో ప్రతిఒక్కరూ మొక్కలు నాటి వాటిని కాపాడాలని ఆదిలాబాద్ జిల్లా పాలనాధికారి శ్రీ దేవసేన పేర్కొన్నారు. ఆదిలాబాద్ జిల్లా ఇంద్రవెల్లి మండలంలోని కేస్లాపూర్ నాగోబా ఆలయంలో హరితహారం కార్యక్రమం చేపట్టారు. ముందుగా జిల్లా కలెక్టర్ నాగోబా ఆలయంలో ప్రత్యేక పూజలు నిర్వహించారు.
హరితహారం కార్యక్రమంలో ప్రతి ఒక్కరూ భాగస్వాములు కావాలని కలెక్టర్ సూచించారు. నాటిన మొక్కలను కాపాడేందుకు కృషి చేయాలని పేర్కొన్నారు. అడవుల వల్ల కలిగే లాభాలను వివరించారు. మన లక్ష్యాన్ని ఆరో విడత హరితహారం కార్యక్రమంలో పూర్తి చేయాలన్నారు. అనంతరం స్థానికులతో మాట్లాడి వారి సమస్యలు తెలుసుకుని వాటి పరిష్కారానికి కృషి చేస్తానని హామీ ఇచ్చారు.
ఇవీ చూడండి: హరితహారంలో కేసీఆర్.. నర్సాపూర్ అర్బన్ ఫారెస్ట్ ప్రారంభించిన సీఎం
