తెలంగాణలో నూటికి నూరు శాతం బహిరంగ మల విసర్జన రహిత హోదాకు ఓ గ్రామ పంచాయతీ ఎంపికైంది. కేంద్ర జలవనరుల శాఖ స్వచ్చ భారత్ మిషన్ కింద ఆదిలాబాద్ జిల్లాకు చెందిన ముఖ్రా.కె గ్రామాన్ని ఎంపిక చేశారు. ఈ సందర్భంగా ఆ గ్రామ సర్పంచ్, ఎంపీటీసీ, తదితర ప్రజా ప్రతినిధులు ప్రగతి భవన్లో సీఎం కేసీఆర్ను కలిశారు.
ముఖ్రా.కె గ్రామం బహిరంగ మలవిసర్జన రహిత గ్రామంగా ఎంపిక అవ్వడం పట్ల ముఖ్యమంత్రి సంతోషం వ్యక్తం చేశారు. తాను కన్న కలలు ఈ గ్రామం ద్వారా నిజమవుతున్నాయని... ముఖ్రా.కె గ్రామ సర్పంచ్ గాడ్గె మినాక్షి, అధికారులను కేసీఆర్ అభినందించారు.
గ్రామంలో వంద శాతం మొక్కలు బతకడం గొప్ప పరిణామమని అన్నారు. సేంద్రియ ఎరువులు తయరు చేస్తున్న తొలి గ్రామం ముఖ్రా.కె కావడం పట్ల సంతోషం వ్యక్తం చేశారు. ఇతర గ్రామాలు సైతం ఈ మాదిరిగా తయారవ్వాలని సీఎం సూచించారు.
ఇదీ చూడండి : రాష్ట్రంలో 8 లక్షల ఎకరాల్లో ఆయిల్ పామ్ సాగు చేయాలి: కేసీఆర్
