వచ్చే ఏడాది జరిగే ఆస్ట్రేలియన్ ఓపెన్ కోసం ఇప్పటినుంచే ప్రణాళికలు రచిస్తోంది టెన్నిస్ ఆస్ట్రేలియా యోచిస్తోంది. ఈ విషయాన్ని అధికారికంగా ప్రకటించింది.
"ఓ వైపు కొవిడ్ విజృంభిస్తున్న ఆస్ట్రేలియన్ ఓపెన్ ఈ ఏడాది విజయవంతంగా నిర్వహించాం. 2022 టోర్నీని జనవరిలో నిర్వహించాలని నిర్ణయించాం. ప్రపంచంలోని అత్యుత్తమ ఆటగాళ్లకు ఆతిథ్యమిచ్చేందుకు మెల్బోర్న్ సిద్ధంగా ఉంది. సురక్షితమైన వాతావరణంలో ఆటలు నిర్వహించేందుకు ప్రభుత్వంతో కలిసి పనిచేయనున్నాం" అని టెన్నిస్ ఆస్ట్రేలియా పేర్కొంది.
టోర్నీ నిర్వహణకు విక్టోరియా, ఫెడరల్ ప్రభుత్వాలతో కలిసి పనిచేస్తామని టోర్నీ డైరెక్టర్ క్రైగ్ టిలే తెలిపారు. తగిన విధంగా క్వారంటైన్ తదితర ఏర్పాట్లు చేస్తామని పేర్కొన్నారు.
ఇదీ చదవండి: 'బాల్ టాంపరింగ్' వివాదంపై విచారణ హాస్యాస్పదం!
