కరోనా లాక్డౌన్ తర్వాత జరిగిన టాప్ సీడ్ టోర్నీలో అమెరికన్ టెన్నిస్ స్టార్ సెరెనా విలియమ్స్ అదరగొట్టింది. అక్క వీనస్ విలియమ్స్‌కు షాకిచ్చి క్వార్టర్స్‌కు దూసుకెళ్లింది. రెండో రౌండ్లో 3-6, 6-3, 6-4తో ఆమెను మట్టికరిపించింది. వీరిద్దరి మధ్య జరిగిన పోటీలో చివరి సెట్లో వరుసగా నాలుగు గేమ్స్ గెలవడం సెరెనాకు ఇదే తొలిసారి. సెరెనాకు వీనస్పై ఇది 19వ విజయం.. వీసస్ మాత్రం ఇప్పటివరకు సోదరిపై 12 సార్లు మాత్రమే గెలిచింది.
తొలి రౌండ్లో సెరెనా 4-6, 6-4, 6-1తో బెర్నాండా పెరా (అమెరికా)పై విజయం సాధించింది. క్వార్టర్స్లో లేలా ఫెర్నాండెజ్ లేదా షెల్బీ రోజర్స్‌తో తలపడనుంది. సెరెనా ఇప్పటివరకు 23 గ్రాండ్ టైటిల్స్ గెలుచుకోగా.. వీనస్కు ఏడు మాత్రమే వరించాయి.
2017లో అమ్మాయికి జన్మనిచ్చిన విలియమ్స్.. పునరాగమనంలో (2018) వింబుల్డన్‌, యుఎస్‌ ఓపెన్లో ఫైనల్‌ చేరినా టైటిల్‌ గెలవలేకపోయింది. ఈసారి యుఎస్‌ ఓపెన్‌ నెగ్గి మార్గరేట్‌ కోర్ట్‌ (24) అత్యధిక టైటిళ్ల రికార్డును సమం చేయాలనేది ఈ అమెరికా తార లక్ష్యం.
ఇది చూడండి ఆరు నెలల తర్వాత కోర్టులోకి సెరెనా విలియమ్స్
