ఆస్ట్రేలియాలోని విక్టోరియాలో శుక్రవారం అర్ధరాత్రి నుంచి ఐదు రోజుల పాటు లాక్డౌన్ ప్రకటించింది ఆ రాష్ట్ర ప్రభుత్వం. కొత్త స్ట్రెయిన్ రకం వైరస్ వ్యాప్తిని అడ్డుకోవడానికే ఆంక్షలు విధిస్తున్నట్లు పేర్కొంది. మెల్బోర్న్లో ప్రస్తుతం జరుగుతున్న ఆస్ట్రేలియన్ ఓపెన్ మాత్రం షెడ్యూల్ ప్రకారమే జరుగుతుందని వెల్లడించింది.
"విక్టోరియా రాష్ట్రంలో ఫిబ్రవరి 13 నుంచి ఐదు రోజుల పాటు లాక్డౌన్ విధించారు. ప్రస్తుతం జరుగుతున్న ఆస్ట్రేలియన్ ఓపెన్ పోటీలు యథావిధంగా జరుగుతాయి. ప్రేక్షకులకు మాత్రం అనుమతి లేదు. టికెట్ తీసుకున్న వీక్షకులు, ఆటగాళ్లు, సిబ్బంది ఈ విషయాన్ని గమనించాలి" అని టోర్నీ నిర్వహకులు వెల్లడించారు.
లాక్డౌన్ విషయాన్ని విక్టోరియన్ ప్రీమియర్ డేనియల్ ఆండ్రూస్ ధ్రువీకరించారు. 'ఆటలు మాత్రం యథా ప్రకారం జరుగుతాయి. కానీ అభిమానులకు అనుమతి లేదు. టికెట్లు కొనుగోలు చేసిన వారికి వీలైనంత తొందరగా డబ్బులు తిరిగి చెల్లిస్తాం' అని ఆండ్రూస్ తెలిపారు.
ఇదీ చదవండి: ఐపీఎల్-14లో శ్రీశాంత్కు నిరాశ - వేలంలో దక్కని చోటు
