ప్రతిష్టాత్మక ఆస్ట్రేలియా ఓపెన్లో భారత టెన్నిస్ ఆటగాళ్లు రోహన్ బోపన్న, లియాండర్ పేస్ అదరగొట్టేస్తున్నారు. ఈరోజు జరిగిన మిక్స్డ్ డబుల్స్ రెండో రౌండ్లో బోపన్న-నదియా కిచెనొక్(ఉక్రెయిన్) జోడీ.. నికోలే మెలికార్-బ్రూనోపై 6-4, 7-6 తేడాతో నెగ్గింది. ఫలితంగా ఈ విజయంతో టోర్నీలో క్వార్టర్ ఫైనల్ చేరింది బోపన్న జంట.
పేస్కు ఆఖరిది...
ఆస్ట్రేలియా ఓపెన్లో మరో భారత స్టార్ ప్లేయర్ లియాండర్ పేస్ జోడీ కూడా ముందంజ వేసింది. మిక్స్డ్ విభాగంలో పేస్-జెలెనా(లాత్వియా) కలిసి బరిలోకి దిగారు. ఆదివారం జరిగిన తొలి రౌండ్ మ్యాచ్లో స్టోర్మ్-మార్క్ను ఓడించారు. వీరిద్దరూ 2017 ఫ్రెంచ్ ఓపెన్ ఛాంపియన్లు కావడం విశేషం. ఈ రెండు జోడీల మధ్య పోరు దాదాపు గంట 27 నిమిషాలు సాగింది. ఈ ఓపెన్లో చివరిసారి ఆడుతున్నాడు 46 ఏళ్ల లియాండర్ పేస్.
