భారత్- పాకిస్థాన్ మ్యాచ్(IND vs PAK T20) అంటే క్రికెట్ అభిమానులకు పండగే. ఈ మ్యాచ్ ప్రారంభమైనప్పటినుంచి ముగిసేవరకూ అభిమానులు టీవీలకే అతుక్కుపోతారు. 2021 టీ20 ప్రపంచకప్లోనూ ఇదే జరిగింది.లీగ్ దశలో జరిగిన భారత్-పాక్ మ్యాచ్కు(IND vs PAK T20 viewers) విశేష ఆదరణ లభించింది. ఏకంగా 167 మిలియన్ల (16.7 కోట్లు) మంది ఈ మ్యాచ్ వీక్షించినట్లు అధికారిక బ్రాడ్కాస్టర్ 'స్టార్ ఇండియా'(Star India News) తెలిపింది. టీ20 చరిత్రలో ఓ మ్యాచ్ను ఇంతమంది వీక్షించడం ఇదే తొలిసారి అని పేర్కొంది.
"అభిమానులు ఎప్పుడెప్పుడా అని వేచిచూసిన భారత్, పాకిస్థాన్ మ్యాచ్ అక్టోబర్ 24న జరిగింది. దాదాపు రెండేళ్ల తర్వాత ఇరు జట్లు పోటీ పడ్డాయి. ఈ మ్యాచ్కు రికార్డు స్థాయిలో 167 మిలియన్ వ్యూస్ లభించాయి. గతంలో 2016 టీ20 ప్రపంచకప్ సెమీఫైనల్స్ మ్యాచ్కు (టీమ్ఇండియా-వెస్టిండీస్) 136 మిలియన్ వ్యూస్ వచ్చాయి," అని స్టార్ ఇండియా తమ అధికారిక ప్రకటనలో పేర్కొంది.
మెగా టోర్నీ మొదలైనప్పటి నుంచి సెమీస్ క్వాలిఫయర్స్ వరకు అన్ని మ్యాచ్లు కలిపి 238మిలియన్ల మంది వీక్షించినట్లు స్టార్ ఇండియా స్పష్టం చేసింది. క్రికెట్ వ్యూవర్షిప్ను పెంచేందుకు మరింత కృషి చేస్తున్నట్లు స్టార్ ఇండియా ప్రతినిధి పేర్కొన్నారు.
టీ20 ప్రపంచకప్లో తొలి మ్యాచ్లో టీమ్ఇండియాపై ఘన విజయం సాధించింది పాకిస్థాన్. అనంతరం వరుస విజయాలతో దూసుకెళ్లి సెమీస్కు చేరింది. అఫ్గాన్పై విజయం సాధించి న్యూజిలాండ్ కూడా సెమీస్కు చేరింది. గ్రూప్ 1లో ఇంగ్లాండ్, ఆస్ట్రేలియా సెమీస్కు చేరుకున్నాయి. 14న ఫైనల్ జరగనుంది.
ఇదీ చదవండి:
