హద్దుమీరిన అభిమాని.. మ్యాచ్​ మధ్యలో రక్తం వచ్చేలా గోల్ కీపర్​పై దాడి..

ఫుట్‌బాల్ మ్యాచ్​ చూసేందుకు వచ్చిన ఓ వ్యక్తి.. మైదానంలో ఓ ప్లేయర్​పై కర్రతో దాడికి దిగాడు. రక్తం వచ్చేలా కొట్టాడు. వెంటనే అక్కడి సిబ్బంది పరిస్థితిని అదుపు చేసి గాయపడిన ఆటగాడిని ఆస్పత్రికి తరలించారు. పోలీసులు కేసు నమోదు చేసి దుండగుడిని అరెస్ట్ చేశారు.

తమకు నచ్చని ఆటగాళ్ల విషయంలో అభిమానులు కాస్త అత్యుత్సాహం ప్రదర్శిస్తుండటం చూస్తూనే ఉంటాం. అలా కొన్ని సందర్భాల్లో కొంతమంది హద్దులు మీరి దాడికి కూడా పాల్పడుతుంటారు. తాజాగా ఇలాంటి ఘటనే ఒకటి చోటు చేసుకుంది. ఈ సారి ఏకంగా ఓ ప్రేక్షకుడు హద్దులు మీరి.. ఓ ప్లేయర్​పై దూసుకెళ్లి కర్రతో దాడి చేశాడు. ఎక్కడంటే..

తాజాగా టర్కీలో అల్టే-గొజ్టేపె మధ్య మ్యాచ్ జరిగింది. ఆ సమయంలో మ్యాచ్​ చూడటానికి వచ్చిన ఓ వ్యక్తి హద్దులు మీరాడు. అల్టేకు చెందిన గోల్ కీపర్ వొజన్ ఎవ్రిమ్ ఓజెన్ పై దాడికి పాల్పడ్డాడు. దీంతో సహచర ఆటగాళ్లు, సెక్యూరిటీ సిబ్బంది గొడవను ఆపేందుకు ప్రయత్నించారు. వెంటనే అంబులెన్స్ వచ్చి వొజన్​కు తాకిన చిన్న గాయాలకు చికిత్స అందిస్తుండగా.. మరో సారి ఆ దుండగుడు ఏకంగా కర్రతో అతడి మీద దాడి చేశాడు. వెనకాల నుంచి వచ్చి వొజన్ నెత్తిమీద రెండు సార్లు బాదాడు. దీంతో అక్కడున్న ఇద్దరు ఆటగాళ్లు కూడా భయంతో పరుగులు తీశారు. అయితే వెంటనే స్పందించిన సిబ్బంది, ఇతర ఆటగాళ్లు దుండగుడిని పట్టుకున్నారు. వెంటనే వొజన్​ను అంబులెన్స్​లో ఆస్పత్రికి తరలించి చికిత్స అందించారు. ఇందుకు సంబంధించిన వీడియో ఇప్పుడు నెట్టింట వైరల్​గా మారింది. ఈ ఘటనతో మ్యాచ్​ను అర్థాంతరంగా నిలిపేశారు. అయితే నిందితుడు.. వొజన్ పై ఎందుకు దాడి చేశాడు..? అనేది మాత్రం తేలియాల్సి ఉంది. ప్రస్తుతం వొజన్ ఆరోగ్యం నిలకడగానే ఉన్నట్లు సమాచారం. పోలీసులు నిందితుడిని అదుపులోకి తీసుకుని విచారిస్తున్నారు.

• WATCH: #BNNTurkey Reports
  
  The football match between Göztepe (@Goztepe) and Altay (@AltaySporKulubu) was interrupted after a fan attacked Altay goalkeeper Ozan Evrim Özenç with a stick. pic.twitter.com/2lm3pBdCWz

  — Gurbaksh Singh Chahal (@gchahal) November 27, 2022 " class="align-text-top noRightClick twitterSection" data="

  WATCH: #BNNTurkey Reports
  
  The football match between Göztepe (@Goztepe) and Altay (@AltaySporKulubu) was interrupted after a fan attacked Altay goalkeeper Ozan Evrim Özenç with a stick. pic.twitter.com/2lm3pBdCWz

  — Gurbaksh Singh Chahal (@gchahal) November 27, 2022

  ">

  WATCH: #BNNTurkey Reports
  
  The football match between Göztepe (@Goztepe) and Altay (@AltaySporKulubu) was interrupted after a fan attacked Altay goalkeeper Ozan Evrim Özenç with a stick. pic.twitter.com/2lm3pBdCWz

  — Gurbaksh Singh Chahal (@gchahal) November 27, 2022

ఇవీ చదవండి:ఆ విషయంలో BCCI, PCB కలిసి నిర్ణయం తీసుకోవాలి: గౌతమ్‌ గంభీర్‌