జ్యోతి వెలగడం.. ఒలింపిక్స్ మహా సంబర ఆరంభానికి గుర్తిది! జులై 23న టోక్యోలో మొదలయ్యే ఈ ప్రపంచ క్రీడా వేడుకను ప్రతిబింబిస్తూ జ్యోతి వెలిగింది.. గురువారమే టార్చ్ రిలే కార్యక్రమం మొదలైంది. 121 రోజుల పాటు సాగే ఈ రిలే.. ఒలింపిక్స్ ఆరంభోత్సవ కార్యక్రమం వద్ద ముగుస్తుంది. జపాన్‌లోని ఫకుషిమా ప్రాంతం నుంచి ఈ రిలే ఆరంభమైంది.
2011లో సునామీ కారణంగా ఫకుషిమా తీవ్రంగా నష్టపోయింది. సుమారు 18 వేల మంది ప్రాణాలు కోల్పోయారు. 2011 ఫిఫా ప్రపంచకప్‌ గెలిచిన ఫుట్‌బాల్‌ మహిళల జట్టులో కీలక సభ్యురాలు అజుసా.. ఇండోర్‌ సాకర్‌ శిక్షణ కేంద్రం నుంచి ఈ జ్యోతిని తీసుకురాగా.. మిగిలిన 14 మంది సభ్యులు, కోచ్‌ నోరియో ఆమెతో కలిసి ముందుకు సాగారు. కరోనా నేపథ్యంలో ఈ కార్యక్రమానికి అభిమానులను అనుమతించలేదు.
