ఏస్ ఇండియన్ స్విమ్మర్ శ్రీహరి నటరాజ్ 50 మీటర్ల బ్యాక్స్ట్రోక్ విభాగంలో సరికొత్త రికార్డు సృష్టించాడు. ఉజ్బెకిస్థాన్ వేదికగా జరుగుతోన్న ఓపెన్ ఛాంపియన్షిప్ స్విమ్మింగ్ పోటీల్లో కేవలం 25.11 సెకండ్లలో ఈది.. రెండో గోల్డ్మెడల్ను కైవసం చేసుకున్నాడు.
ఈ బంగారు పతకంతో ఈ ఈవెంట్లో భారత పతకాల సంఖ్య 29కి చేరింది. అందులో 18 స్వర్ణాలు, 7 రజతాలు కాగా మరో 4 కాంస్యాలు. ఈ వారం ప్రారంభంలో 100 మీటర్ల బ్యాక్స్ట్రోక్ విభాగంలో రెండు సార్లు రికార్డులు నెలకొల్పిన ఈ బెంగళూరు యువకుడికి.. ప్రస్తుత ఫీట్ మూడోది.
ఇదీ చదవండి: నా ప్రదర్శన పట్ల సంతోషంగా ఉన్నా: చాను
టోక్యో ఒలింపిక్స్ 'బీ' జాబితాకి శ్రీహరి అర్హత సాధించాడు. 100 మీటర్ల బ్యాక్స్ట్రోక్ విభాగాన్ని 54.10 సెకండ్లలో ఈదిన శ్రీహరి.. 0.22 సెకండ్ల తేడాతో 'ఏ' లిస్టులో స్థానం కోల్పోయాడు.
మరో స్విమ్మర్ సజన్ ప్రకాష్ కూడా ఈ పోటీల్లో ఆకట్టుకున్నాడు. పాల్గొన్న నాలుగు విభాగాలలోనూ బంగారు పతకాలను సాధించాడు.
మహిళల 50 మీటర్ల బ్యాక్స్ట్రోక్ విభాగంలో మాన పటేల్, సువనా భాస్కర్ వరుసగా బంగారు, రజత పతకాలను సాధించారు.
ఇదీ చదవండి: మాక్సీ, ఏబీ విధ్వంసం.. కోల్కతా లక్ష్యం 205
