క్రికెటర్ రవీంద్ర జడేజాతో పాటు మరో 18 మంది క్రీడాకారులు అర్జున అవార్డుకు నామినేట్ అయ్యారు. ప్రఖ్యాత రాజీవ్ గాంధీ ఖేల్రత్న పురస్కారం కోసం పారా అథ్లెట్ దీపా మాలిక్ పేరును ప్రతిపాదించింది జస్టిస్ ముకుందం ఆధ్వర్యంలోని కమిటీ. బైచుంగ్ భూటియా, మేరీకోమ్ ఇందులో సభ్యులు.
ఇప్పటికే ఖేల్రత్న కోసం రెజ్లర్ బజరంగ్ పూనియా ఎంపికయ్యాడు.
రవీంద్ర జడేజా.. ఇప్పటి వరకు 156 వన్డేలు, 42 టీ20లు, 41 టెస్టుల్లో టీమిండియాకు ప్రాతినిధ్యం వహించాడు. ఈ ఫార్మాట్లలో వరుసగా 2128, 135, 1485 పరుగులు చేస్తూ, 178, 32, 192 వికెట్లు పడగొట్టాడు. ఇటీవలే జరిగిన ప్రపంచకప్ సెమీస్ ఫైనల్లో అద్భుత ప్రదర్శనతో భారత్ను గెలిపించినంత పనిచేశాడు. కానీ ఆ మ్యాచ్లో న్యూజిలాండ్ చేతిలో ఓటమి పాలైంది టీమిండియా.
దీపా మాలిక్.. 2016 పారా ఒలింపిక్స్లోని షాట్పుట్ విభాగంలో వెండి పతకం సాధించింది. గతేడాది జరిగిన ఆసియా క్రీడల్లోని డిస్కస్ త్రో, జావలిన్ త్రో పోటీల్లో కాంస్యం గెల్చుకుంది.
గత సంవత్సరం, భారత్ క్రికెట్ జట్టు కెప్టెన్ విరాట్ కోహ్లీ, వెయిట్ లిఫ్టర్ మీరాబాయి చాను ఖేల్రత్న అవార్డు దక్కించుకున్నారు. ఈ పురస్కారాన్ని తొలిసారిగా భారత ప్రఖ్యాత చెస్ క్రీడాకారుడు విశ్వనాథన్ ఆనంద్ సొంతం చేసుకున్నాడు.
ఇది చదవండి: రెజ్లర్ బజరంగ్ పూనియాకు రాజీవ్ ఖేల్రత్న
