క్రీడల్లో మరో చారిత్రక కార్యక్రమానికి శ్రీకారం చుట్టింది భారత క్రీడా మంత్రిత్వ శాఖ. తొలిసారి ముంబయి వేదికగా బాస్కెట్బాల్ పోటీలను నిర్వహించనుంది. దీనికోసం భారీ ఎత్తున ఏర్పాట్లు చేస్తోంది. ఈ ఆటను ప్రజల్లోకి తీసుకెళ్లి మరింత ఆసక్తి పెంచడం కోసం ముంబయిలోని 'గేట్ వే ఆఫ్ ఇండియా'ను మిరుమిట్లు గొలిపే దీపాలతో అలంకరిచింది.
భారత్లో ఈ లీగ్ ప్రవేశపెట్టడం పట్ల ఆనందం వ్యక్తం చేశారు ఎన్బీఏ(నేషనల్ బాస్కెట్బాల్ అసోసియేషన్) అధికారులు. భారత దేశ సంస్కృతి, సంప్రదాయాలను చూసేందుకు ఆసక్తిగా ఉన్నట్లు తెలిపారు.
ఈ పోటీల్లో అమెరికాకు చెందిన సాక్రామెంటో కింగ్స్, ఇండియానా పేసర్స్ జట్లు పోటీ పడుతున్నాయి. తొలిసారి ఈ బాస్కెట్బాల్ క్రీడను భారత్లో నిర్వహిస్తుండటంపై హ్యూస్టన్ సమావేశంలో ప్రశంసలు కురిపించారు అమెరికా అధ్యక్షుడు ట్రంప్. రెండు దేశాల మధ్య స్నేహానికి ఇదొక ఉదాహరణ అని చెప్పారు. ఆయన కూడా ఆటలను ప్రత్యక్షంగా చూడాలనుకుంటున్నట్లు తన ఆసక్తిని వెల్లడించారు. ముంబయిలోని ఎస్వీపీ స్టేడియంలో అక్టోబర్ 4, 5 తేదీల్లో ఈ మ్యాచ్లు జరగనున్నాయి.
ఇవీ చూడండి...
