Dubai Tennis Championships trophy: దుబాయ్ టెన్నిస్ ఛాంపియన్షిప్ ట్రోఫీని గెలుచుకుంది ల్యాట్వియన్(యూరోప్) టెన్నిస్ ప్లేయర్ జెలేనా ఒస్టాపెంకో. సింగిల్స్ విభాగంలో ఫైనల్లో వెరోనికాను(kudermetova) 6-0,6-4తేడాతో ఓడించి ఈ ట్రోఫీని దక్కించుకుంది. ఈ పోరు 65 నిమిషాల పాటు సాగింది. ఈ విజయంతో ర్యాంకింగ్స్లో ఆమె నెం.21 నుంచి నెం.13కు చేరుకుంది. 2018 తర్వతా టాప్-20 ర్యాంకింగ్స్లో ఆమెకు స్థానం దక్కడం ఇదే తొలిసారి. కెరీర్లో ఆమెకు ఇది ఐదో టైటిల్.
"ఈ ట్రోఫీ వరించడం చాలా సంతోషంగా ఉంది. ఈ వారం మొత్తం నేను చాలా బాగా ఆడాను అని భావిస్తున్నాను. మంచి విజయాలను అందుకున్నాను. ఈ రోజు కోసం చాలా కష్టపడ్డాను. నా దృష్టంతా ఈ మ్యాచ్పైనే పెట్టాను." అని ట్రోఫీ గెలవడంపై హర్షం వ్యక్తం చేసింది జెలేనా.
అంతకుముందు ఈ టోర్నీలో భాగంగా జరిగిన మిక్స్డ్ డబుల్స్ ఫైనల్లో ఉక్రెయిన్కు చెందిన ఒస్టాపెంకో, కిచెనోక్(Kichenok) జోడీ చేతిలో 6-2, 2-6, 10-7 తేడాతో సానియా మీర్జా జోడీ పరాజయం చెందింది.
ఇదీ చూడండి: శ్రీలంకతో టెస్టు సిరీస్.. ఎవరీ సౌరభ్కుమార్?
