Djokovic Wimbledon: అత్యంత ఉత్కంఠగా సాగిన వింబుల్డన్ పురుషుల సింగిల్స్ ఫైనల్లో డిఫెండింగ్ ఛాంపియన్ జకోవిచ్ విజేతగా నిలిచాడు. తొలిసారి గ్రాండ్స్లామ్ ఫైనల్ ఆడిన కిర్గియోస్.. ప్రపంచ నెం.1 జకోవిచ్ చేతిలో 4-6,6-3,6-4,7-6(7-3) తేడాతో తేలిపోయాడు. మొదటి సెట్లో ఓడిన జకోవిచ్.. రెండు, మూడు సెట్లలో గెలుపొందాడు. నాలుగో సెట్ హోరాహోరీగా సాగి టై అయింది. టై బ్రేకర్లో జకోవిచ్ గెలిచి.. ఏడో వింబుల్డన్ టైటిల్ను కైవసం చేసుకున్నాడు.
ప్రస్తుతం 20 గ్రాండ్స్లామ్ టైటిళ్లతో ఉన్న జకోవిచ్.. మరో టైటిల్ను తన ఖాతాలో వేసుకున్నాడు. దీంతో తన గ్రాండ్స్లామ్ టైటిళ్ల సంఖ్య 21కి చేరింది. అత్యధిక విజయాల జాబితాలో రెండో స్థానంలో ఉన్న ఫెదరర్ను వెనక్కినెట్టాడు. రఫెల్ నాదల్‌ 22 టైటిళ్లతో అగ్రస్థానంలో కొనసాగుతున్నాడు. 2018,2019,2021,2022లో వరుసగా నాలుగు వింబుల్డన్ టైటిళ్లను కైవసం చేసుకున్నాడు జకోవిచ్.
