French open 2022: ఫ్రెంచ్ ఓపెన్లో భారత్కు నిరాశే ఎదురైంది. మెన్స్ డబుల్స్ విభాగంలో నెదర్లాండ్స్ ఆటగాడు మిడ్డెల్కూప్తో కలిసి సెమీఫైనల్ దాకా దూసుకెళ్లిన స్టార్ టెన్నిస్ ఆటగాడు రోహాన్ బోపన్న.. సెమీస్లో ఓటమిని ఎదుర్కొన్నాడు. డచ్కు చెందిన జే రోజర్.. సాల్వడార్కు చెందిన ఎం.అరేవాలోతో తలపడిన బోపన్న-మిడ్డెల్కూప్ జోడీ తొలి సెట్లో శుభారంభం చేసినా తర్వాత రెండు సెట్లలో తడబడింది. దీంతో ఈ జోడీకి ఫైనల్స్కు చేరే అవకాశం చేజారిపోయింది.
తొలి సెట్లో ప్రత్యర్థిపై 6-4 తేడాతో బోపన్న-మిడ్డెల్కూప్ జోడీ విజయం సాధించింది. ఆ తర్వాత సెట్లో పుంజుకున్న రోజర్-అరేవాలో జోడీ రెండో సెట్లో 3-6తో మూడో సెట్లో 6-7తో ప్రత్యర్థిని ఓడించింది. ఆటముగిసే సమయానికి బోపన్న-మిడ్డెల్కూప్లకు 8, రోజర్-అరేవాలోకు 10 టై బ్రేక్ పాయింట్లు దక్కాయి. బోపన్న-మిడ్డెల్కూప్ జోడీపై విజయం సాధించిన రోజర్-అరేవాలోలు ఫైనల్కు అడుగుపెట్టారు.
ఇదీ చూడండి : వివాహ బంధంలోకి అడుగుపెట్టిన భారత స్టార్ క్రికెటర్.. ఫొటోలు వైరల్
