ప్రపంచ బాక్సింగ్ ఛాంపియన్షిప్లో ఆసియా గేమ్స్ స్వర్ణ పతక గ్రహీత అమిత్ పంఘాల్ సత్తాచాటాడు. ఈ టోర్నీలో పతకం ఖాయం చేసుకున్న ఐదో భారత బాక్సర్గా ఘనత సాధించాడు. 52 కేజీల విభాగంలో ఫిలిప్పీన్స్కు చెందిన కార్లో పాలమ్పై విజయం సాధించి సెమీస్కు చేరాడు.
క్వార్టర్స్లో 4-1 తేడాతో గెలిచి కాంస్యాన్ని ఖరారు చేసుకున్నాడు అమిత్. గత ఏడాది జరిగిన ఆసియా క్రీడల్లోనూ సెమీస్లో కార్లోను ఓడించాడు.
సెమీస్లో కజకిస్థాన్కు చెందిన బిబోసినోవ్తో తలపడనున్నాడు అమిత్ పంఘాల్.
మరో క్వార్టర్స్లో 63 కేజీల విభాగంలో మనీశ్‌ కౌశిక్‌ సెమీస్కు చేరుకున్నాడు. 5-0 తేడాతో బ్రెజిల్‌ బాక్సర్‌ను చిత్తుగా ఓడించాడు. దీంతో ప్రపంచ బాక్సింగ్ ఛాంపియన్షిప్లో భారత్‌కు రెండు పతకాలు ఖాయమని బాక్సింగ్ ఫెడరేషన్ ట్వీట్‌ చేసింది.
గత ఏడాది క్వార్టర్స్లో నిష్క్రమించిన అమిత్ ఈ సీజన్లో తనదైన రీతిలో రెచ్చిపోయి పతకం పక్కా చేసుకున్నాడు. ఆ టోర్నీలో 49 కేజీల విభాగంలో తలపడిన అమిత్ డిఫెండింగ్ ఛాంపియన్ దస్మతోవ్ చేతిలో పరాజయం చెందాడు.
