దేశ అత్యున్నత క్రీడా పురస్కారం రాజీవ్ గాంధీ ఖేల్రత్నకు హాకీ పురుషుల జట్టు గోల్కీపర్ పీఆర్ శ్రీజేశ్, మహిళల జట్టు మాజీ ప్లేయర్ దీపిక పేర్లను సిఫార్సు చేసింది హాకీ ఇండియా. అర్జున అవార్డు కోసం హర్మన్ప్రీత్ సింగ్, వందనా కటారియా, నవ్జోత్ పేర్లను నామినేట్ చేస్తున్నట్లు శనివారం ప్రకటించింది.
ధ్యాన్చంద్ జీవిత సాఫల్య పురస్కారానికి దిగ్గజాలు డా.ఆర్.పి సింగ్, సంఘై ఇబెంహల్ పేర్లను కేంద్రానికి పంపింది హాకీ ఇండియా. కోచ్లు బీజీ కరియప్ప, సీఆర్ కుమార్ పేర్లను ద్రోణాచార్యా అవార్డుకు సిఫార్సు చేసింది.
2018 హాకీ ఛాంపియన్స్ ట్రోఫీలో వెండి పతకం, అదే ఏడాది ఆసియా గేమ్స్లో కాంస్యం, ఎఫ్ఐహెచ్ మెన్స్ సిరీస్లో భారత్ బంగారు పతకం సాధించడంలో శ్రీజేశ్ కీలక పాత్ర పోషించాడు. 2018 ఆసియా గేమ్స్, ఆసియా ఛాంపియన్స్ ట్రోఫీలో భారత మహిళల జట్టు రజతాలు సాధించడంలో దీపిక ముఖ్య భూమిక పోషించింది.
ఇవీ చూడండి:
