నిలువెత్తు కేక్​తో దిగ్గజ మారడోనాకు నివాళి

పుట్​బాల్​ దిగ్గజం డిగో మారడోనాకు ప్రత్యేకంగా నివాళి అర్పించారు తమిళనాడులోని ఓ బేకరీ యజమాని. ఆరు అడుగుల ఎత్తున్న కేక్​తో డిగో విగ్రహం​ తయారు చేసి తన దుకాణం ముందు ప్రదర్శనకు ఉంచారు. కేక్​ ప్రతిమ చూపరులను విశేషంగా ఆకట్టుకుంటోంది.

క్రిస్మస్​, నూతన సంవత్సరం సందర్భంగా తమిళనాడులోని ఓ బేకరీ యజమాని వినూత్నంగా ఆలోచించారు. ఇటీవల మరణించిన దిగ్గజ ఫుట్​బాలర్ డిగో మారడోనాకు ఆయన నిలువెత్తు కేక్​ను రూపొందించి నివాళులర్పించారు. ఇందుకోసం 60 కిలోల చక్కెర, 270 గుడ్ల వినియోగంతో.. నాలుగు రోజులు శ్రమించి పూర్తి చేసినట్లు వెల్లడించారు.

"అర్జెంటీనాలోని చిన్న పట్టణంలో పుట్టి.. అకుంఠిత శ్రమతో అందలానికి చేరాడు మారడోనా. క్రికెట్​కు సచిన్, 100 మీటర్ల పరుగుకు బోల్ట్​, బాక్సింగ్​కు మైక్​ టైసన్​ ఎలానో ఫుట్​బాల్​ అనగానే మారడోనా గుర్తుకొస్తాడు. ఈ కేక్​ ఆయనకు నివాళిగా తయారు చేశాం. అలాగే పిల్లలు ఫోన్లలో కాకుండా ఆరుబయట ఆడుకోవాలని ప్రోత్సాహిస్తున్నాం"

--సతీశ్ రంగనాథన్, బేకరీ యజమాని

అంతకుముందు మ్యాస్ట్రో ఇళయరాజా, భారతీయార్​ సహ ప్రముఖుల ఫోటోలను కూడా ఇదే తరహాలో ప్రతిష్ఠించారు సతీశ్. వీటితో తన బేకరీ విక్రయాలు పెరుగుతాయని అంటున్నారు.

ఇదీ చూడండి: ఔరా.. కేక్​తో ఆరడుగుల 'బాలు' విగ్రహం