మూత్రపిండాల సమస్యతో బాధపడుతున్న భారత యువ ఫుట్బాల్ ప్లేయర్ రామానంద నింగ్కు.. క్రీడా మంత్రిత్వ శాఖ రూ.5లక్షలు ఆర్థిక సాయం చేసింది. పండిట్ దీనదయాల్ ఉపాధ్యాయ జాతీయ సంక్షేమ నిధి కింద వాటిని అందజేసింది. ఈ విషయాన్ని కేంద్ర క్రీడా మంత్రి కిరణ్ రిజిజు ట్వీట్ చేశారు.
రిక్షావాలా కుమారుడైన రామానంద.. ప్రస్తుతం మణిపుర్లోని షీజా ఆసుపత్రిలో చికిత్స పొందుతున్నాడు. అతని చూపు కూడా మసకబారుతున్నట్లు వైద్యులు తెలిపారు. 2017లో గౌహతిలో జరిగిన అండర్-17 ఆసియా ఛాంపియన్షిప్లో.. రామానంద భారత్కు ప్రాతినిధ్యం వహించాడు.
