స్టార్ ఫుట్‌బాలర్ లియోనల్ మెస్సీ.. పారిస్ సెయింట్ జర్మైన్ క్లబ్(పీఎస్జీ)తో ఇటీవల రెండేళ్ల ఒప్పందం కుదుర్చుకున్నాడు. అయితే ఈ క్లబ్తో కాంట్రాక్ట్ డీల్ కుదుర్చుకునేందుకు పారిస్లోని హోటల్ లీ రాయల్ మాన్కియోలో తన కుటుంబంతో కలిసి ఒక్క రాత్రి ఉన్నాడు మెస్సీ. అందుకోసం సుమారు రూ 13.5 లక్షలు ఖర్చు చేసింది పీఎస్జీ. కాంట్రాక్ట్లో భాగంగా మెస్సీకి ఏడాదికి రూ.360 కోట్లు ఇవ్వనుంది. ఇవికాక ఇంకా ఇతర అలవెన్సులు, బోనస్లు కూడా ఉండనున్నాయి. మెస్సీ జెర్సీ నెంబర్ 30 ను పీఎస్జీ వెబ్సైట్లో విడుదల చేసిన 30 నిమిషాలకే జెర్సీలు అన్నీ అమ్ముడయ్యాయి. మెస్సీ రాకతో.. పీఎస్జీ ఇన్స్టా ఫాలోవర్లు దాదాపు 20 మిలియన్లకు పైగా పెరిగడం విశేషం.
అడుగడుగునా ఫ్యాన్స్..
పీఎస్జీ క్లబ్తో ఒప్పందం సందర్భంగా పారిస్ చేరుకున్న మెస్సీకి విమానాశ్రయం నుంచే అడుగడుగునా ఘన స్వాగతం లభించింది. విమానాశ్రయం నుంచి మెస్సీ సంతకం చేయబోయే పార్క్ దీ ప్రిన్సెస్ స్టేడియం వరకు అభిమానులతో నిండిపోయింది. ఎయిర్పోర్ట్ నుంచి నేరుగా హోటల్కు చేరుకున్న మెస్సీ.. తర్వాత స్టేడియంకు వెళ్లారు.
లియోనల్ మెస్సీ-'ఎఫ్సీ బార్సిలోనా' 21 ఏళ్ల బంధానికి ఇటీవల తెరపడింది. అతడితో తమ కాంట్రాక్టు ముగిసిందని సదరు పుట్బాల్ క్లబ్ అధికారికంగా ప్రకటించింది. స్పానిష్ లీగ్లోని ఆర్థిక నిబంధనల వల్ల మెస్సీతో కాంట్రాక్టు కొనసాగించలేకపోతున్నామని వెల్లడించింది.
సుదీర్ఘకాలం పాటు బార్సిలోనా ఫుట్‌బాల్‌ క్లబ్తో కొనసాగిన మెస్సీ.. వీడే క్రమంలో కన్నీటి పర్యంతమయ్యాడు. మెస్సీకి వీడ్కోలు పలికేందుకు ఏర్పాటు చేసిన సమావేశంలో తాను కంటతడి పెట్టడమే కాకుండా చూస్తున్న వారినీ కన్నీళ్లు పెట్టించాడు. తన జీవితంలో అత్యంత బాధాకరమైన రోజుగా దీనిని అభివర్ణించాడు.
ఇవీ చదవండి:
ఆ క్లబ్తో కొత్త ఒప్పందానికి మెస్సీ గ్రీన్ సిగ్నల్!
ప్యారిస్ క్లబ్తో మెస్సీ కాంట్రాక్ట్.. ఫ్యాన్స్ హంగామా
బార్సిలోనాతో ముగిసిన మెస్సీ బంధం
Lionel Messi: సాకర్ స్టార్ 'మెస్సీ' భావోద్వేగం.. కారణమిదే
