లియోనల్ మెస్సీ-'ఎఫ్సీ బార్సిలోనా' 21 ఏళ్ల బంధానికి తెరపడింది. అతడితో తమ కాంట్రాక్టు ముగిసిందని పుట్బాల్ క్లబ్ అధికారికంగా ప్రకటించింది. స్పానిష్ లీగ్లోని ఆర్థిక నిబంధనల వల్ల మెస్సీతో కాంట్రాక్టు కొనసాగించలేకపోతున్నామని వెల్లడించింది.
బార్సిలోనా క్లబ్ తరఫున వరుసగా 17 సీజన్లలో ఆడిన మెస్సీ.. ఈ క్రమంలో ఎన్నో దేశీయ, అంతర్జాతీయ టైటిల్స్ గెలుచుకోవడంలో కీలకపాత్ర పోషించాడు.
గతేడాది కరోనా వల్ల అన్నింటిలానే బార్సిలోనా క్లబ్ కూడా ఆర్థిక ఇబ్బందులు ఎదుర్కొంది. ఈ క్రమంలోనే ప్లేయర్ల జీతాల్లో కోత విధించింది. కొందరు ఆటగాళ్లనూ వదులుకుంది. మెస్సీతోనూ కాంట్రాక్టు విషయమై చర్చలు జరిపినప్పటికీ, అవి విఫలమయ్యాయి! దీంతో 21 ఏళ్ల బంధానికి తెరపడింది. అయితే మెస్సీ ఏ కబ్ల్లో చేరేది ఇంతవరకు ప్రకటించలేదు.
బార్సిలోనా క్లబ్లోకి 13 ఏళ్ల వయసులో ఎంట్రీ ఇచ్చిన మెస్సీ మొత్తంగా 35 టైటిల్స్ దక్కించుకోవడంలో ప్రధాన పాత్ర పోషించాడు. ఇతడు జట్టులో కొనసాగిన సమయంలో ఛాంపియన్స్ లీగ్ 4, స్పానిష్ లీగ్ 10, కోపా కప్ 7, స్పానిష్ సూపర్ కప్ 8సార్లు గెలిచింది.
ఈ క్లబ్లో ఉన్నప్పుడు మెస్సీ ఆరుసార్లు గోల్డెన్ బాల్ అందుకోవడం సహా ప్రపంచ అత్యుత్తమ ప్లేయర్గానూ నిలిచాడు. 778 మ్యాచ్ల్లో మొత్తంగా 672 గోల్స్ చేశాడు. స్పానిష్ లీగ్ 520 మ్యాచ్ల్లో క్లబ్ తరఫున అత్యధికంగా 474 గోల్స్ చేశాడు. ప్లేయర్ ఆఫ్ ది మ్యాచ్గా బార్సిలోనా నుంచి ఎక్కువసార్లు నిలిచింది ఇతడే కావడం విశేషం.
ఇవీ చదవండి:
