సౌథాంప్టన్ వేదికగా కివీస్తో జరుగుతోన్న డబ్ల్యూటీసీ ఫైనల్లో టీమ్ఇండియా రెండో ఇన్నింగ్స్లో 170 పరుగులకు ఆలౌటైంది. రిషభ్ పంత్(41), రోహిత్ శర్మ(30) రాణించారు. కివీస్ బౌలర్లలో సౌథీ 4, బౌల్ట్ 3, జేమీసన్ 2, వాగ్నర్ ఒక వికెట్ తీసుకున్నారు. న్యూజిలాండ్ను విజయం వరించాలంటే 55 ఓవర్లలో 139 పరుగులు చేయాలి.
130/5తో భోజన విరామానికి వెళ్లిన టీమ్ఇండియా.. స్కోరు బోర్డుకు మరో 12 పరుగులు జోడించాక జడేజా(49 బంతుల్లో 16 పరుగులు) వికెట్ను కోల్పోయింది. వాగ్నర్ బౌలింగ్ను ఎదుర్కోవడానికి ఇబ్బంది పడ్డ జడ్డూ.. అతని బౌలింగ్లో క్యాచ్ ఔట్గా వెనుదిరిగాడు. అనంతరం క్రీజులోకి వచ్చిన అశ్విన్ డిఫెన్స్కు ప్రాధాన్యమిచ్చాడు. పరుగులు చేయడానికి ఇబ్బంది పడ్డ పంత్.. బౌల్ట్ బౌలింగ్లో ఓ భారీ షాట్కు ప్రయత్నించి ఔటయ్యాడు. రిషభ్ ఔట్ తర్వాత అశ్విన్ కూడా ఎక్కువ సేపు క్రీజులో నిలువలేదు. అదే ఓవర్లో పెవిలియన్ చేరాడు.
తర్వాత వచ్చిన టెయిలెండర్లు త్వరగానే ఔటయ్యారు. దీంతో 170 పరుగుల వద్ద భారత్ ఇన్నింగ్స్కు తెరపడింది.
గాయంతోనే..
కెరీర్లో చివరి మ్యాచ్ ఆడుతోన్న కివీస్ కీపర్ వాట్లింగ్.. గాయంతోనే మ్యాచ్లో పాల్గొన్నాడు. తొలి సెషన్లో అతని కుడి ఉంగరపు వేలుకు గాయమైంది. దీంతో లంచ్ సమయంలో చికిత్స తీసుకున్న వాట్లింగ్.. తిరిగి మైదానంలోకి వచ్చాడు.
