ఆస్ట్రేలియా స్టార్ క్రికెటర్ డేవిడ్ వార్నర్ గతేడాది లాక్డౌన్ ప్రకటించినప్పటి నుంచి టిక్టాక్, రీఫేస్ యాప్ల ద్వారా అభిమానులను అలరిస్తూనే ఉన్నాడు. తెలుగు, తమిళం, హిందీ అనే తేడా లేకుండా ఎప్పటికప్పుడు వీడియోలతో ఎంటర్టైన్ చేస్తూ భారతీయ అభిమానులకు ఎంతో చేరువయ్యాడు. అయితే ఈ సారి సూపర్స్టార్ రజనీకాంత్లా మారిపోయాడు. తలైవా నటించిన 'ఎంతిరన్'(తెలుగులో రోబో) సినిమాలోని 'కిలిమంజారో' పాటకు రీఫేస్ యాప్ ద్వారా ప్రేక్షకుల్ని పలకరించాడు. ఈ వీడియోను ఇన్స్టాలో పోస్ట్ చేయగా వైరల్గా మారింది. అభిమానులను విశేషంగా అలరిస్తోంది. నెటిజన్లు విపరీతంగా లైక్స్, కామెంట్స్ పెడుతున్నారు. ఆ వీడియోను మీరూ చూసేయండి..
- " class="align-text-top noRightClick twitterSection" data="
">
వార్నర్.. దుబాయ్ వేదికగా సెప్టెంబరు 19 నుంచి ప్రారంభంకానున్న ఐపీఎల్ రెండో దశలో ఆడనున్నాడు. మొదటి దశలో ఆడిన ఏడు మ్యాచ్ల్లో ఆరింటిలో ఓడిపోయింది సన్రైజర్స్. వరుస పరాజయాల నేపథ్యంలో వార్నర్ను కెప్టెన్సీ నుంచి తొలగిస్తూ యాజమాన్యం నిర్ణయం తీసుకుంది. కనీసం తుది జట్టులోనూ చోటు ఇవ్వలేదు. కేన్ విలియమ్సన్కు సారథ్య బాధ్యతలు అప్పగించింది.
ఇదీ చూడండి:'రాములో రాములా' అంటూ వార్నర్ చిందులు
