ఆస్ట్రేలియా క్రికెట్ జట్టు కెప్టెన్ పాట్‌ కమిన్స్ను కొత్త 'మిస్టర్ కూల్' అంటూ టీమ్ఇండియా మాజీ ప్లేయర్ వీరేంద్ర సెహ్వాగ్ కితాబిచ్చాడు. ఇంగ్లాండ్తో జరుగుతున్న ప్రతిష్ఠాత్మక యాషెస్ సిరీస్ 2023లో తొలి మ్యాచ్లో పాట్‌ కమిన్స్ ప్రదర్శనకు అతడిపై పలువురు మాజీ క్రికెటర్లు ప్రశంసల జల్లు కురిపిస్తున్నారు. ఈ నేపథ్యంలో వీరేంద్ర సెహ్వాగ్ అతడిని మిస్టర్ కూల్గా అభివర్ణించాడు.
Ashes 2023 : యాషెస్ సిరీస్ 2023లో ఆసిస్ మొదటి టెస్టు మ్యాచ్లో విజయకేతనం ఎగురవేసింది. మొదటి రోజు నుంచే నువ్వా-నేనా అన్నట్టుగా సాగిన మ్యాచ్లో ఆస్ట్రేలియా రెండు వికెట్ల తేడాతో విజయం ఖాతాలో వేసుకుంది. 281 పరుగుల లక్ష్య ఛేదనలో ఆసిస్ ఎనిమిది వికెట్లు కోల్పోయింది. దాదాపు మ్యాచ్ ఆసిస్ చేతుల్లోంచి జారిపోతుందన్న సమయంలో కమిన్స్ కీలక ఇన్నింగ్స్తో జట్టును విజయతీరాలను నడిపించాడు. నాథన్ లియాన్ (16 పరుగులు నాటౌట్) తో కలిసి కమిన్స్ (44 నాటౌట్: 4 ఫోర్లు, రెండు సిక్సర్లతో) తొమ్మిదో వికెట్కు 55 పరుగుల భాగస్వామ్యాన్ని నెలకొల్పాడు. కాగా ఇది టెస్టు క్రికెట్ చరిత్రలో తొమ్మిదో వికెట్కు నాలుగో అత్యధిక భాగస్వామ్యం.
"వాట్‌ ఎ టెస్ట్ మ్యాచ్. నేను ఈ మధ్య కాలంలో చూసిన క్రికెట్ మ్యాచ్ల్లో అది అత్యుత్తమమైనది. ఎంతైనా టెస్టు క్రికెటే బెస్ట్ క్రికెట్. పరిస్థితులను బట్టి వాతావరణాన్ని దృష్టిలో ఉంచుకున్న ఇంగ్లాండ్.. జో రూట్ క్రీజులో ఉన్నప్పటికీ ఇన్నింగ్స్ను డిక్లేర్ చేసింది. కానీ రెండు ఇన్నింగ్స్ల్లో ఆస్ట్రేలియా ఓపెనర్ ఖవాజా ఊహించని రీతిలో రెచ్చిపోయి ఆడాడు. అతడి అసాధారణ ఆటతో ఆసిస్ విజయానికి బాటలు పడ్డాయి. ఇక చివర్లో ఒత్తిడిలోనూ లియాన్తో కలిసి సహనంతో అడిన కమిన్స్ కొత్త మిస్టర్ కూల్. అతడి అద్భుతమైన ఆటతీరుతో ఆస్ట్రేలియాకు చిరకాలం గుర్తుండిపోయే విజయాన్ని అందించాడు."
-వీరేంద్ర సెహ్వాగ్, టీమ్ఇండియా మాజీ ఆటగాడు.
ఇంగ్లాండ్పై కంగారూల రికార్డుల మోత..
Australia Records In Ashes Series : ఇంగ్లాండ్లోని ఎడ్జ్బాస్ట్న్ మైదానం వేదికగా జరిగిన ప్రతిష్ఠాత్మక యాషెస్ సిరీస్ తొలి టెస్టులో ఆస్ట్రేలియా రెండు వికెట్ల తేడాతో గెలుపొందింది. మంచి జోరు మీదున్న ఇంగ్లాండ్కు చివరి సెషన్‌లో ఆసీస్ కెప్టెన్ పాట్‌ కమిన్స్, నాథన్ లియోన్‌లు వీరోచిత పోరాటం చేసి ముకుతాడు వేశారు. అయితే ఇప్పటి వరకు జరిగిన యాషెస్ సిరీస్లో ఆస్ట్రేలియా పలు రికార్డులను తన పేరిట లిఖించుకుంది. ఈ కథనాన్ని పూర్తిగా చదవాలంటే ఇక్కడ క్లిక్ చేయండి.
ఐదు టెస్టుల యాషెస్ సిరీస్లో మొదటి మ్యాచ్లో విజయం సాధించిన ఆసిస్ 1-0 తో ముందంజలో ఉంది. ఇక ఇరు జట్ల మధ్య రెండో మ్యాచ్ లార్డ్స్‌ వేదికగా జూన్‌ 28న ప్రారంభంకానుంది.
