రికార్డుల రారాజు, టీమ్ఇండియా కెప్టెన్ విరాట్ కోహ్లీ మరో ఘనతను తన ఖాతాలో వేసుకోనున్నాడు. ప్రపంచ టెస్ట్ ఛాంపియన్ షిప్ మ్యాచ్ ఆడితే.. 2008 నుంచి ఇప్పటి వరకు భారత్ ఆడిన అన్ని అంతర్జాతీయ క్రికెట్ మండలి ఫైనల్స్లో ఆడిన ఏకైక, మొదటి ఆటగాడిగా సరికొత్త ఫీట్ సాధించనున్నాడు విరాట్.
- 2008లో జరిగిన అండర్-19 ప్రపంచకప్ ఫైనల్లో విరాట్ సారథ్యంలోని జట్టు టైటిల్ కైవసం చేసుకుంది.
- భారత్ వేదికగా 2011లో శ్రీలంకతో జరిగిన వరల్డ్కప్ తుది పోరులోనూ కోహ్లీ ఆడాడు. ఈ మ్యాచ్లో జయకేతనం ఎగురవేసిన ధోనీ సేన.. రెండో సారి ప్రపంచకప్ను ముద్దాడింది.
- 2014లో ఐసీసీ నిర్వహించిన టీ20 ప్రపంచకప్ ఫైనల్లో టీమ్ఇండియా 6 వికెట్ల తేడాతో ఓడిపోయింది. ఈ మ్యాచ్లోనూ కోహ్లీ పాల్గొన్నాడు.
- 2013, 2017 ఛాంపియన్స్ ట్రోఫీ ఫైనల్లో విరాట్ టీమ్ఇండియాకు ఆడాడు.
- ఇక వచ్చే నెల ఇంగ్లాండ్ వేదికగా జరగనున్న ప్రపంచ టెస్ట్ ఛాంపియన్షిప్ ఫైనల్లోనూ విరాట్ నేతృత్వంలోని భారత జట్టు కివీస్తో తలపడబోతోంది. అన్ని అనుకూలిస్తే విరాట్ ఈ మ్యాచ్లో ఆడడం పక్కా. దీంతో 2008 నుంచి ఐసీసీ ఫైనల్స్లో భారత్ పాల్గొన్న ప్రతిసారి టీమ్ఇండియాకు ఆడిన ఆటగాడిగా కోహ్లీ రికార్డు అందుకోనున్నాడు.
ఇదీ చదవండి: 'ఐపీఎల్ నుంచి నేనే వెళ్లిపోదామనుకున్నా'
