బ్యాట్ల తయారీలో సరికొత్త ఆవిష్కరణకు ప్రాణం పోసింది (Tripura News) త్రిపురలోని బ్యాంబూ, కేన్ అభివృద్ధి సంస్థ (బీసీడీఐ). అన్ని ప్రమాణాలను పాటిస్తూ దేశంలోనే తొలిసారిగా వెదురుతో క్రికెట్ బ్యాట్లను (Bamboo Bat) తయారు చేసింది. నార్త్ ఈస్ట్ సెంటర్ ఆఫ్ టెక్నాలజీ అప్లికేషన్ అండ్ రీచ్తో (నెక్టార్) సంయుక్తంగా ఈ ప్రాజెక్టును (NECTAR News) చేపట్టింది బీసీడీఐ.
ఈ బ్యాట్లను క్రికెట్లోని అన్ని ఫార్మాట్లలో వినియోగించవచ్చని అధికారులు తెలిపారు. వాటిని మరింత మెరుగ్గా తీర్చిదిద్దేందుకు నిపుణుల సూచనల కోసం ఎదురుచూస్తున్నట్లు చెప్పారు. బూమ్ అనే (Bamboo Bat Cricket) వెదురుతో బ్యాట్లు, కనక్కాయిచ్ అనే రకంతో వికెట్లను తయారు చేసినట్లు వెల్లడించారు.
బ్లూ బోర్డు సాంకేతికతతో..
"ఈ బ్యాట్ల తయారీకి బ్యాంబూ బ్లూ బోర్డు అనే సాంకేతికతను వాడాము. సంప్రదాయ పద్ధతిలో కాకుండా బ్యాట్ల తయారీలో వెదురును వాడటంపై 4 నెలల కిందే కేంబ్రిడ్జి యూనివర్సిటీ పత్రికలో ఓ వ్యాసం ప్రచురితమైంది. దాని ఆధారంగా నెక్టార్, బీసీడీఐ ఈ ప్రాజెక్టును రూపొందించాయి."
- అభినవ్ కాంత్, బీసీడీఐ-నెక్టార్ హెడ్
బ్యాంబూ బోర్డు సాంకేతికతను (Bamboo Board Technology) అభివృద్ధి చేసి.. బోర్డులను బ్యాట్లుగా రూపుదిద్దినట్లు అభినవ్ కాంత్ తెలిపారు. "కనక్కాయిచ్ బ్యాంబూతో అంతర్జాతీయ ప్రమాణాలకు అనుగుణంగా దృఢమైన వికెట్లను తయారు చేశాం. బ్యాట్లను సమీక్ష కోసం నిపుణుల వద్దకు పంపిస్తాం. అనంతరం స్థానిక పారిశ్రామికవేత్తలు, మార్కెటింగ్ సంస్థలతో ఈ సాంకేతికతను పంచుకొని, బ్యాట్లను పెద్దఎత్తున ఉత్పత్తి చేయనున్నాం." అని కాంత్ వెల్లడించారు.
ఇదీ చూడండి: టీమ్ఇండియా బ్యాట్స్మెన్ ఎలా ఔటయ్యారో చూడండి!
