ఘోర రోడ్డు ప్రమాదానికి గురైన టీమ్ఇండియా స్టార్ బ్యాటర్ రిషభ్ పంత్.. మెల్లమెల్లగా కోలుకుంటున్నాడు. కొద్ది రోజుల క్రితం.. వాకింగ్ స్టిక్ పట్టుకుని నడుస్తున్న ఫొటోలను పంత్ షేర్ చేశాడు. తాజాగా తన ఇన్స్టాగ్రామ్ ఖాతాలో మరో వీడియోను పంచుకున్నాడు. అందులో మినీ స్విమ్మింగ్ పూల్లో చేతి కర్ర సాయంతో ఒక్కో అడుగు ముందుకు వేస్తున్నట్లు పంత్ కనిపించాడు.
అయితే ఆ వీడియో చూస్తుంటే పంత్ కోలుకోవడానికి చాలా సమయం పట్టే అవకాశం ఉన్నట్లు తెలుస్తోంది. ఈ వీడియోకు పంత్ ఎమోషనల్ లైన్ రాసుకొచ్చాడు. పెద్ద విషయాలకు చిన్న విషయాల మధ్య జరిగిన ప్రతీ దానికి కృతజ్ఞతలు అంటూ వీడియోను పోస్ట్ చేశాడు. కాగా, పంత్ పెట్టిన ఈ పోస్టులకు నెటిజన్లతో పాటు ప్రముఖ క్రికెటర్లు కూడా స్పందిస్తున్నారు. త్వరగా కోలుకోవాలని ప్రార్థిస్తున్నారు.
- " class="align-text-top noRightClick twitterSection" data="
">
కొద్దిరోజుల క్రితం నడుస్తున్న ఫొటోలను షేర్ చేసిన పంత్.. 'ఒక అడుగు ముందుకు, ఒక అడుగు బలంగా, ఒక అడుగు బెటర్గా' అంటూ క్యాప్షన్ జోడించాడు. దీంతో పాటు ఇన్స్టాగ్రామ్లో ఓ స్టోరీని కూడా పోస్ట్ చేశాడు. అందులో లూడో ఆడుతున్న ఫొటోను జత చేసి 'నేను ఇంత కన్నా ఏం చేయగలను.. ఏమైనా సూచనలు ఇవ్వగలరా' అంటూ రాసుకొచ్చాడు.
- " class="align-text-top noRightClick twitterSection" data="
">
రిషభ్ పంత్ గతేడాది గతేడాది డిసెంబర్‌ 30న రోడ్డు ప్రమాదానికి గురయ్యాడు. తల్లికి సర్ప్రైజ్ ఇద్దామని దిల్లీ నుంచి లఖ్నవూకు వెళ్తున్న సమయంలో రూర్కీ సమీపంలో కారు ప్రమాదానికి గురైంది. ఈ ప్రమాదంలో పంత్‌కు తీవ్ర గాయాలయ్యాయి. పలు శస్త్ర చికిత్సలు నిర్వహించిన తర్వాత.. పంత్ కోలుకోవడానికి ఆరు నుంచి తొమ్మిది నెలల సమయం పట్టే అవకాశం ఉందని వైద్యులు తెలిపారు. ట
ఇక పంత్ కెరీర్ విషయానికొస్తే.. ఘోర రోడ్డు ప్రమాదం కారణంగా ఈ ఏడాది జరిగే కీలక సిరీస్‌లు, టోర్నమెంట్లు సహా ఐపీఎల్‌ కూడా పంత్ మిస్ అయ్యాడు. ఈ ఏడాది అక్టోబర్‌-నవంబర్‌లో జరగనున్న వన్డే ప్రపంచకప్‌ మొదలయ్యే లోపు కోలుకున్నా.. ఫిట్‌నెస్‌ నిరూపించుకుని జట్టులో స్థానం సంపాదించడం కష్టమే.
మరోవైపు, ఐసీసీ తాజాగా ప్రకటించిన టెస్ట్ బ్యాటర్ల ర్యాంకింగ్స్లో పంత్ తన స్థానాన్ని సుస్థిరం చేసుకున్నాడు. ప్రస్తుతం అతడు తొమ్మిదో స్థానంలో కొనసాగుతున్నాడు. అతడితోపాటు టీమ్ఇండియా మాజీ సారథి విరాట్ కోహ్లీ ఏకంగా 8 స్థానాలు మెరుగుపరుచుకున్నాడు. సీనియర్ ఆల్రౌండర్ అశ్విన్ తొలిస్థానంలోనే ఉన్నాడు.
