ఆదివారం జరిగిన భారత్- పాక్ (T20 World Cup 2021 news) మ్యాచ్లో రిషభ్ పంత్ ఒంటిచేతి సిక్స్లు జట్టుకు కొత్త ఉత్సాహాన్ని ఇచ్చాయి. ప్రేక్షకులు కేరింతలతో స్టేడియాన్ని హోరెత్తించారు. అదే సమయంలో స్టేడియంలోనే ఉన్న బాలీవుడ్ నటి ఊర్వశి రౌతేలా కూడా టీమ్ఇండియాను సపోర్ట్ చేస్తూ ఫోజులు ఇచ్చింది. అయితే.. పంత్, ఊర్వశి రౌతేలా డేటింగ్లో ఉన్నట్లు గతంలో పుకార్లు వచ్చిన నేపథ్యంలో మళ్లీ ఈ విషయం సోషల్ మీడియాలో వైరల్గా మారింది.
భారత్- పాకిస్థాన్ మ్యాచ్లో (ind vs pak match latest news) మొదట బరిలోకి దిగిన కోహ్లీ సేన మొదట్లోనే తప్పటడుగులు వేసింది. ఒకరి వెంట మరొకరు అవుట్ అయ్యారు. అయితే.. పంత్(30) క్రీజులో ఉండగా.. అభిమానుల్లో ఉత్సాహం నిండింది. నత్తనడకగా ఉన్న భారత స్కోర్ బోర్డ్ పంత్ రాకతో పరుగులు పెట్టింది. హసన్ అలీ బౌలింగ్లో ఒక్క చేత్తో వరుసగా రెండు సిక్స్లు బాదాడు పంత్. మొత్తంగా టీమ్ఇండియా నిర్ణీత ఓవర్లలో 151 పరుగులు చేసింది. ఆ తర్వాత వికెట్లేమీ కోల్పోకుండానే లక్ష్యాన్ని ఛేదించింది పాక్.
ఇదీ చదవండి: IND VS PAK: పాక్ జట్టుపై కోహ్లీ సరికొత్త రికార్డ్
