టీ20 ప్రపంచకప్‌లో అద్భుత ఫామ్‌తో అదరగొడుతున్న సూర్యకుమార్ యాదవ్ ఐసీసీ టీ20 బ్యాటర్ల ర్యాంకింగ్స్‌లో అగ్రస్థానాన్ని నిలుపుకున్నాడు. ప్రస్తుతం ఆస్ట్రేలియా వేదికగా జరుగుతున్న టీ20 ప్రపంచకప్‌లో 5 మ్యాచ్‌ల్లో సూర్యకుమార్ 225 పరుగుల చేశాడు. దాదాపు 200 స్ట్రైక్ రేట్‌తో పరుగుల వరద పారిస్తున్నాడు. ప్రస్తుతం సూర్యకుమార్ యాదవ్ ఖాతాలో 869 పాయింట్లు ఉన్నాయి.
పాకిస్తాన్‌ ఓపెనర్‌ రిజ్వాన్‌ రెండో స్థానంలో కొనసాగుతున్నాడు. విరాట్‌ కోహ్లీ 11వ ర్యాంక్‌లో, రోహిత్‌శర్మ 18వ ర్యాంక్‌లో ఉన్నారు. బంగ్లాదేశ్‌, జింబాబ్వేపై అర్థశతకాలు చేసిన కేఎల్ రాహుల్‌ ఐదు స్థానాలు ఎగబాకి 16వ ర్యాంక్‌కు చేరుకున్నాడు. టీ20 బౌలర్ల ర్యాంకింగ్స్‌లో భారత పేసర్‌ అర్షదీప్‌ సింగ్‌ కెరీర్‌లోనే అత్యుత్తమంగా 23వ స్థానానికి చేరుకున్నాడు. ఆఫ్‌ స్పిన్నర్‌ అశ్విన్‌ 5 స్థానాలు ఎగబాకి 13వ ర్యాంక్‌కు ఎగబాకాడు.
ఇదీ చూడండి: T20 worldcup: ఇంగ్లాండ్పై టీమ్ఇండియాదే పైచేయి.. ఈ రికార్డులు తెలుసా?
