Sikandar Raza Five Half centuries : జింబాబ్వే కెప్టెన్ సికందర్ రజా ఇంటర్నేషనల్ క్రికెట్లో తన ఫామ్ కొసాగిస్తున్నాడు. ముఖ్యంగా టీ20ల్లో ఈ ఆల్ రౌండర్ చెలరేగి ఆడుతున్నాడు. బ్యాటింగ్లో మెరుపు ఇన్నింగ్స్తో బౌలింగ్లో మ్యాజిక్ చేస్తూ అదరగొడుతున్నాడు. జట్టును గెలిపించేందుకు ఒంటరి పోరాటం చేస్తున్నాడు.
అయితే తాజాగా అతడు ప్రపంచ క్రికెట్లో దిగ్గజాలకు సాధ్యం కాని ఓ రికార్డును సాధించాడు. ఇంటర్నేషనల్ టీ20ల్లో వరుసగా ఐదు హాఫ్ సెంచరీలు బాదిన తొలి ఆటగాడిగా వరల్డ్ రికార్డ్ క్రియేట్ చేశాడు. కొలంబోలో శ్రీలంకతో జరిగిన తొలి టీ20లో ( 42 బంతుల్లో 62; 5 ఫోర్లు, 2 సిక్స్‌లు) బాది ఈ అరుదైన మార్క్ను టాచ్ చేశాడు. సికిందర్ గత ఐదు ఇన్నింగ్స్‌ల్లో వరుసగా 58, 65, 82, 65, 62 స్కోర్లు సాధించాడు.
2024 టీ20 వరల్డ్ కప్ కోసం గతేడాది నవంబర్‌లో ఐసీసీ ఆఫ్రికా రీజియన్‌ క్వాలిఫయర్‌ను నిర్వహించింది. ఇందులో సికిందర్ రజా - రువాండా (58), నైజీరియా (65), కెన్యా (82)పై హాఫ్ సెంచరీలు బాదాడు. అనంతరం స్వదేశంలో ఐర్లాండ్‌తో జరిగిన మ్యాచ్లో 65 పరుగులను ఖాతాలో వేసుకున్నాడు. తాజాగా లంకపై హాఫ్ సెంచరీ బాది స్టార్ బ్యాటర్లు, హిట్టర్లకు సాధ్యం కాని రికార్డును సాధించాడు. ఈ లంకపై మ్యాచ్లో మొదట బ్యాటింగ్లో 42 బంతుల్లో 64 పరుగులు చేసిన ఈ స్టార్ ఆల్రౌండర్ ఆ తర్వాత బంతితోనూ చెలరేగి 4 ఓవర్లలో 13 పరుగులు మాత్రమే ఇచ్చి 3 వికెట్లు పడగొట్టాడు.
కాగా, అంతకుముందు బ్రెండన్ మెక్‌కల్లమ్ (న్యూజిలాండ్), క్రెయిగ్ విలియమ్స్‌ (నమీబియా), క్రిస్‌ గేల్ (వెస్టిండీస్), గుస్తావ్ మెకియోన్ (ఫ్రాన్స్‌), రేయాన్ పఠాన్ (బెర్ముడా), రిజా హెండ్రిక్స్‌ (దక్షిణాఫ్రికా) టీ20ల్లో వరుసగా నాలుగు హాఫ్ సెంచరీలు బాదారు. తాజాగా వీరి రికార్డును సికిందర్ రజా బ్రేక్ చేశాడు. ఇకపోతే సికిందర్ బౌలింగ్లోనూ చివరి ఐదు మ్యాచుల్లో 13 వికెట్లను తన ఖాతాలో వేసుకున్నాడు.
