Shane Warne death: ఆస్ట్రేలియా దిగ్గజ స్పిన్నర్ షేన్ వార్న్ మృతిపై థాయ్లాండ్ పోలీసులు ఆసక్తికర విషయాలు బయటకొచ్చాయి. వార్న్ నివాసం ఉన్న విల్లాలోని గదిలో థాయ్ పోలీసులు సోదాలు నిర్వహించారు. గదిలోని ఫ్లోర్పై, టవల్స్పై రక్తపు మరకలను గుర్తించారు. ఈ మేరకు థాయ్లాండ్లోని స్థానిక మీడియా పేర్కొంది.
52 ఏళ్ల షేన్ వార్న్ హాలీడేస్ని గడపడానికి థాయ్లాండ్ వెళ్లాడు. అతడు ఉన్న విల్లాలో గుండెపోటు రావడం వల్ల స్నేహితులు ఆస్పత్రికి తరలించారు. వార్న్ శుక్రవారం రాత్రి మృతి చెందినట్లు థాయ్లాండ్ ఇంటర్నేషనల్ హాస్పిటల్ శుక్రవారం వెల్లడించింది.
"గుండెపోటు రావడం వల్ల అతడికి సీపీఆర్ మొదలుపెట్టారు. దీంతో అతడికి రక్తస్రావం అయ్యింది. అతడి గుండెను డాక్టర్లు పరిశీలించారు. దీనిని అనుమానస్పద మృతిగా అనుకోవట్లేదు."
-- యత్తన సిరిసోంబా, కొ సముయ్ బో పోలీస్స్టేషన్ సూపరిండెంట్
షేన్ వార్న్ తన స్నేహితులతో కలిసి థాయ్లాండ్లోని కొ సముయ్ ఐస్లాండ్కు వచ్చారని స్థానిక పోలీసులు తెలిపారు. 5 గంటల సమయంలో వార్న్ అచేతనంగా ఉండటం వల్ల అంబులెన్స్ సీపీఆర్ ప్రారంభించినట్లు అతడి సిబ్బంది స్టేట్మెంట్ విడుదల చేసింది.
ఇదీ చదవండి: వార్న్ చివరి క్షణాల్లో ఏం చేశారంటే?
