స్టార్ ఆల్రౌండర్ షకీబ్ అల్ హాసన్(96*) విరోచిత పోరాటంతో జింబాబ్వేతో రెండో వన్డేలో బంగ్లాదేశ్ గెలిచింది. మూడు వికెట్లు తేడాతో మ్యాచ్లో విజయం సాధించి, మూడు మ్యాచ్ల సిరీస్ను 2-0 తేడాతో కైవసం చేసుకుంది. ఆదివారం జరిగిన పోరులో మొదట బ్యాటింగ్ చేసిన జింబాబ్వే నిర్ణీత 50ఓవర్లలో 240/9 పరుగులు చేసింది. మధెవెరె(56), సారథి బ్రెండన్ టేలర్(46) తప్ప మిగతావారు రాణించలేకపోయారు. బంగ్లా బౌలర్లలో షోరీఫుల్ ఇస్లామ్ 4, షకీబ్ 2, తస్కిన్ అహ్మద్, సైఫుద్దీన్, మెహదీ హాసన్ తలో వికెట్ తీశారు.
అనంతరం ఛేదనలో బంగ్లా తడబడింది. 145 పరుగులకే ఆరు వికెట్లు కోల్పోయింది. ఈ క్రమంలోనే షకీబ్ టెయిలెండర్ల సహకారంతో జింబాబ్వేపై ఎదురుదాడికి దిగి జట్టుకు విజయాన్ని అందించాడు. మొత్తంగా 49.1 ఓవర్లలో ఏడు వికెట్లు కోల్పోయి లక్ష్యాన్ని ఛేదించింది బంగ్లా.
పాక్ జట్టుపై ఇంగ్లాండ్ గెలుపు
పాకిస్థాన్‌తో మూడు టీ20ల సిరీస్‌లో ఇంగ్లాండ్ పుంజుకుంది. తొలి మ్యాచ్లో ఓడిన ఆ జట్టు.. ఆదివారం రెండో టీ20లో 45 పరుగుల తేడాతో నెగ్గింది. తొలుత బ్యాటింగ్ చేసిన ఇంగ్లాండ్.. బట్లర్‌ (59; 39 బంతుల్లో 7×4, 2×6), మొయిన్‌ అలీ (36; 16 బంతుల్లో 6×4, 1×6), లివింగ్‌స్టన్‌ (38; 23 బంతుల్లో 2×4, 3×6) మెరుపులతో 200 పరుగులకు ఆలౌటైంది. పాక్ బౌలర్లలో హస్నైన్‌ 3 వికెట్లు, ఇమాద్‌ వసీమ్‌, హారిస్‌ రవూఫ్‌ తలో 2 వికెట్లు తీశారు.
అనంతరం షకీబ్ మహ్మద్‌ (3/33), మొయిన్‌ అలీ (2/32), అదిల్‌ రషీద్‌ (2/30) ధాటికి పాక్ 155/9 పరుగులే చేయగలిగింది. రిజ్వాన్‌ (37), షాదాబ్‌ ఖాన్‌ (36 నాటౌట్‌) మాత్రమే రాణించారు.
ఇదీ చూడండి: ధావన్ రికార్డ్.. రాణించిన ఇషాన్.. భారత్ ఘన విజయం
