భారత మహిళా క్రికెట్ యువ సంచలనం షెఫాలీ వర్మ.. ఉమెన్ బిగ్బాష్ లీగ్లో అరంగేట్రం చేయనుంది. ఈ సీజన్ నుంచి సిడ్నీ సిక్సర్స్ తరఫున ఆడనుంది. ఈ విషయాన్ని బీసీసీఐ అధికారి ఒకరు వెల్లడించారు. "షెఫాలీ ఒప్పందం పూర్తయింది. ఉమెన్ బిగ్ బాష్ లీగ్ షెడ్యూల్ విడుదల చేసినప్పుడు ఈ విషయాన్ని అధికారికంగా ప్రకటిస్తారు. లెఫ్ట్ ఆర్మ్స్పిన్నర్ రాధా యాదవ్ కూడా ఈ లీగ్లో అరంగేట్రం చేసే అవకాశాలున్నాయి. ప్రస్తుతం చర్చలు జరుగుతున్నాయి" అని ఆయన చెప్పారు.
టీమ్ఇండియా టీ20 జట్టు కెప్టెన్ హర్మన్ప్రీత్ కౌర్(సిడ్నీ థండర్), ఓపెనర్ స్మృతి మంధాన(బ్రిస్బేన్ హీట్), ఆల్రౌండర్ వేదా కృష్ణమూర్తి(హోబార్ట్ హర్రికేన్స్) తరఫున ఇప్పటికే బిగ్బాష్ లీగ్లో ఆడుతున్నారు.
షెఫాలీ.. యూకేలో జరగబోయే 'ది హండ్రెడ్' ప్రారంభ సీజన్లోనూ ఆడేందుకు సిద్ధమైంది. ఈమె బీసీసీఐ నుంచి నిరంభ్యతర పత్రం(ఎన్ఓసీ) పొందినట్లు క్రికెట్ వర్గాలు ధ్రువీకరించాయి. కివీస్ ఆల్రౌండర్ సోఫీ డివైన్ నేతృత్వంలోని బర్మింగ్హామ్ ఫోనిక్స్ జట్టు తరఫున ఈమె బరిలోకి దిగనుంది. ఈ లీగ్లో ఇప్పటికే టీ20 కెప్టెన్ హర్మన్ప్రీత్ కౌర్తో పాటు స్మృతి మంధాన, జెమిమా రోడ్రిగ్స్, దీప్తి శర్మ.. బోర్డు నుంచి నిరభ్యంతర పత్రాన్ని పొందారు.
ఇదీ చూడండి: 'ది హండ్రెడ్' లీగ్లో మరో భారత క్రికెటర్!
