భారత యువ సంచలనం షెఫాలీ వర్మతో పాటు ఆల్రౌండర్ స్నేహ్ రాణా.. 'ప్లేయర్ ఆఫ్ ది మంత్' అవార్డుకు నామినేట్ అయ్యారు. ఇంగ్లాండ్తో వన్డే సిరీస్లో ఈ ఇద్దరూ రాణించారు. వీరితో పాటు ఇంగ్లాండ్ బౌలర్ సోఫీ ఎకిల్స్టోన్నూ జూన్ నెలకుగానూ నామినేట్ చేసింది అంతర్జాతీయ క్రికెట్ మండలి.
పొట్టి ఫార్మాట్లో అద్భుత ప్రదర్శనలతో టెస్టుల్లో, వన్డేల్లో చోటు సంపాదించిన షెఫాలీ.. అరంగేట్ర సిరీస్లోనే ఆకట్టుకుంది. బ్రిస్టల్ వేదికగా ఇంగ్లాండ్పై జరిగిన ఏకైక టెస్టులో ప్లేయర్ ఆఫ్ ది మ్యాచ్గా ఎంపికైంది. ఇరు ఇన్నింగ్స్ల్లో హాఫ్ సెంచరీలు చేసిన తొలి భారత బ్యాట్స్మన్గా, మొత్తంగా నాలుగో మహిళా క్రికెటర్గా నిలిచింది. ఇక వన్డేల్లోనూ ఫర్వాలేదనిపించింది షెఫాలీ.
బ్రిస్టల్ టెస్టు డ్రా కావడంలో అద్భుత ప్రదర్శన కనబరిచింది ఆల్రౌండర్ స్నేహ్ రాణా. 154 బంతుల్లో 80 పరుగులు చేసి ఇంగ్లాండ్కు విజయాన్ని దూరం చేసింది. ఇక బంతితోనూ మెరిసిన రాణా నాలుగు వికెట్లతో రాణించింది.
భారత్తో టెస్టులో 8 వికెట్ల తేడాతో రాణించిన ఇంగ్లాండ్ బౌలర్ ఎకిల్స్టోన్ కూడా పోటీలో నిలిచింది.
ఇక పురుషుల విభాగంలో న్యూజిలాండ్ బ్యాట్స్మన్ డేవన్ కాన్వే, పేసర్ కైల్ జేమీసన్తో పాటు దక్షిణాఫ్రికా వికెట్కీపర్ క్వింటాన్ డికాక్ను నామినేట్ చేసింది ఐసీసీ.
లార్డ్స్ వేదికగా జూన్లో ఇంగ్లాండ్తో జరిగిన టెస్టులో అరంగేట్రంలోనే డబుల్ సెంచరీ బాదేశాడు కివీస్ క్రికెటర్ కాన్వే. తర్వాత జరిగిన రెండో టెస్టులోనూ హాఫ్ సెంచరీతో రాణించాడు. ఇక భారత్తో జరిగిన డబ్ల్యూటీసీ ఫైనల్లో అర్ధ సెంచరీతో ఆకట్టుకున్నాడు. ఇక ఆల్రౌండర్ జేమీసన్ డబ్ల్యూటీసీ మ్యాచ్లో 7 వికెట్లతో మెరిశాడు.
విండీస్తో టెస్టు సిరీస్లో దక్షిణాఫ్రికా ఆటగాడు డికాక్ 141, 96 పరుగులు చేశాడు.
