టీమ్ఇండియా స్పిన్నర్ల కంటే దక్షిణాఫ్రికా స్పిన్నర్లే స్థిరంగా బంతులు విసిరారని రిషభ్ పంత్ అన్నాడు. శుక్రవారం జరిగిన రెండో వన్డేలో అర్ధశతకం (85) చేసినా భారత్‌కు ఓటమి తప్పలేదు. ఈ నేపథ్యంలోనే మ్యాచ్ అనంతరం పంత్ మాట్లాడుతూ.. మన బౌలర్ల కంటే సఫారీల బౌలర్లు షంసీ, కేశవ్ మహరాజ్, మర్క్రమ్ చాలా చక్కగా బౌలింగ్ చేశారని అభినందించాడు.
"పిచ్‌ చాలా నెమ్మదిగా ఉంది. అయితే భారత్‌ చేసిన పరుగులు సరిపోతాయని భావించా. కానీ దక్షిణాఫ్రికా బ్యాటర్లు అద్భుతంగా ఆడి విజయం సాధించారు. తొలి మ్యాచ్లో మేం ఛేదనకు దిగాం. మొదట వారు బ్యాటింగ్ చేసేటప్పుడు పిచ్‌ అనుకూలించింది. రెండో ఇన్నింగ్స్‌లో పిచ్‌ స్లో అయిపోయింది. దీంతో పరుగులు చేయడం కష్టంగా మారింది. ఇక నిన్నటి వన్డేలో మధ్య ఓవర్లలో వారు చాలా బాగా ఆడారు. మేం వికెట్లను పడగొట్టడంలో విఫలమయ్యాం. సఫారీ బౌలర్లు షంసీ, కేశవ్ మహరాజ్, మర్క్రమ్ చాలా బాగా బౌలింగ్ చేశారు."
-పంత్, టీమ్ఇండియా క్రికెటర్
ఈ మ్యాచ్లో తొలుత బ్యాటింగ్ చేసిన భారత్‌ 6 వికెట్ల నష్టానికి 287 పరుగులు చేసింది. పంత్ (85), రాహుల్ (55) అర్ధసెంచరీలతో రాణించారు. అనంతరం బ్యాటింగ్కు దిగిన దక్షిణాఫ్రికా కేవలం మూడు వికెట్లను మాత్రమే కోల్పోయి 48.1 ఓవర్లలో లక్ష్యాన్ని ఛేదించింది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
