Prithvi Shaw Hit Wicket : పాపం షా.. అరంగేట్ర మ్యాచ్​లో చేదు అనుభవం

Prithvi Shaw Hit Wicket : ఫామ్​లేమితో జట్టులో స్థానం కోల్పోయిన పృథ్వీ.. ఇంగ్లాండ్ బాట పట్టాడు. కౌంటీల్లో అయినా రాణించి మళ్లీ టీమ్ఇండియా జట్టులో చోటు దక్కించుకోవాలని ఆరాటరపడుతున్నాడు. కాగా నార్తాంప్టన్ షైర్​ తరఫున ప్రాతినిధ్యం వహిస్తున్న పృథ్వీ.. అరంగేట్ర మ్యాచ్​లో క్రీజులో కుదురుకున్నాక.. ఊహించని రీతిలో ఔటైయ్యాడు.

Prithvi Shaw Hit Wicket : టీమ్ఇండియా జట్టులో రీ ఎంట్రీయే టార్గెట్​గా కెరీర్​ ప్లాన్ చేసుకున్నాడు పృథ్వీ షా. అందులో భాగంగానే ఇంగ్లాండ్ కౌంటీల్లో నార్తాంప్టన్ షైర్​ జట్టులో ఆడేందుకు ఒప్పుందం కుదుర్చుకున్నాడు. ఈ క్రమంలో ఇంగ్లాండ్ పయణమయ్యాడు పృథ్వీ. అయితే అక్కడ ప్రాక్టీస్​ మ్యాచ్​లో 65 పరుగులతో రాణించిన పృథ్వీ.. నార్తాంప్టన్ షైర్​ - గ్లౌసెస్టర్ షైర్ మ్యాచ్​తో అరంగేట్రం చేశాడు. ఈ మ్యాచ్​లో 279 పరుగుల లక్ష్య ఛేదనలో నార్తాంప్టన్ షైర్ తరఫున పృథ్వీ ఓపెనర్​గా బరిలోకి దిగాడు.

అయితే ఛేజింగ్ చేసే క్రమంలో నార్తాంప్టన్.. క్రమం తప్పకుండా వికెట్లు కోల్పోయింది. ఈ దశలో 34 బంతుల్లో 34 పరుగులు చేసి క్రీజులో కుదురుకున్నట్లు కనిపించాడు పృథ్వీ. జట్టు స్కోర్ 54/5 వద్ద.. నెదర్లాండ్ పేసర్ పాల్ వాన్ మీకెరెన్ 16 ఓవర్​ బౌలింగ్ చేశాడు. ఆ ఓవర్లో బౌనర్​గా వచ్చిన చివరి బంతిని పుల్ షాట్ ప్రయత్నంలో నియంత్రణ కోల్పోయాడు. తనను తాను అదుపు చేసుకులేక పృథ్వీ.. క్రీజులో జారిపడ్డాడు. ఈ క్రమంలో అతడి కాలు వికెట్లను తాకి, బెయిల్స్ కింద పడ్డాయి. ఇక చేసేదేమీలేక హిట్​ వికెట్​గా నిరాశతో పెవిలియన్ బాటపట్టాడు పృథ్వీ .

అయితే ఆ వీడియో ప్రస్తుతం నెట్టింట్లో వైరల్​గా మారింది. వీడియో చూసిన నెటిజన్లు అతడు ఔటైన తీరు పట్ల 'పాపం పృథ్వీ' అంటూ కామెంట్లు పెడుతున్నారు. కాగా ఈ మ్యాచ్​లో 54 పరుగులకే 6 వికెట్లు కోల్పోయిన నార్తాంప్టన్ షైర్​.. టామ్ టేలర్ (112) సూపర్ సెంచరీతో విజయానికి దగ్గరైంది. కానీ ఆఖర్లో టేలర్ కూడా ఔట్ అవ్వడం వల్ల నార్తాంప్టన్ షైర్ 23 పరుగుల తేడాతో ఓడింది.

Prithvi Shaw County Cricket : కాగా గతనెల తీవ్ర వర్షాల్లో సైతం రాత్రిపూట బ్యాటింగ్ ప్రాక్టీస్ చేసి వార్తల్లో నిలిచాడు పృథ్వీ. కొంతకాలంగా ఫామ్​లేమితో బాధపడుతున్న అతడిని.. సెలక్టర్లు పక్కన పెడుతూ వస్తున్నారు. ఐపీఎల్​ తర్వాత వెస్టిండీస్ పర్యటన, ఐర్లాండ్ టూర్, ఆసియా క్రీడలు ఇలా ఏ ఒక్క సిరీస్​కు పృథ్వీ జట్టులో స్థానం దక్కించుకోలేదు. ఇక కౌంటీల్లో అయినా రాణించి సెలక్టర్ల దృష్టిలో పడి.. మళ్లీ టీమ్ఇండియాలో ఎంట్రీ ఇవ్వాలని భావిస్తున్నాడు.

• In his first match for Northamptonshire, Prithvi Shaw raced to 34 while the rest of the top six were dismissed in single digits, before being floored by this Paul van Meekeren delivery 💥
  
  (via @Gloscricket)
  pic.twitter.com/s9ml61fiOg

  — ESPNcricinfo (@ESPNcricinfo) August 4, 2023 " class="align-text-top noRightClick twitterSection" data="

  In his first match for Northamptonshire, Prithvi Shaw raced to 34 while the rest of the top six were dismissed in single digits, before being floored by this Paul van Meekeren delivery 💥
  
  (via @Gloscricket)
  pic.twitter.com/s9ml61fiOg

  — ESPNcricinfo (@ESPNcricinfo) August 4, 2023

  ">

  In his first match for Northamptonshire, Prithvi Shaw raced to 34 while the rest of the top six were dismissed in single digits, before being floored by this Paul van Meekeren delivery 💥
  
  (via @Gloscricket)
  pic.twitter.com/s9ml61fiOg

  — ESPNcricinfo (@ESPNcricinfo) August 4, 2023

• ఇవి చదవండి :