ఐపీఎల్(ipl new team news).. ప్రతి ఏటా ప్రపంచవ్యాప్తంగా ఉన్న క్రికెట్ అభిమానులకు పసందైన వినోదాన్ని పంచుతోంది. 2008లో తొలి సీజన్ ఎనిమిది జట్లతో ప్రారంభమైంది. ఆ తర్వాత పలు కొత్త ఫ్రాంచైజీలు చేరడం, నిష్క్రమించడం జరిగింది. మొత్తంగా 2021కు వరకు ఎనిమిది జట్లు ఉండగా.. అనంతరం 2022 సీజన్లో మరో రెండు కొత్త జట్లను చేర్చేందుకు ఇటీవల బీసీసీఐ బిడ్లను ఆహ్వానించింది. ఈ క్రమంలోనే అక్టోబర్ 25న(ipl new team announcement).. బిడ్లు గెలిచిన ఆహ్మదాబాద్(సీవీసీ క్యాపిటల్స్‌ పార్టనర్స్‌, రూ.5,625 కోట్లు), లఖ్నవూ(ఆర్పీఎస్జీ గ్రూప్, రూ.7,090 కోట్లు) అనే రెండు కొత్త ఫ్రాంచైజీలు(IPl new team names) ఈ మెగాలీగ్ వచ్చి చేరాయి.
అయితే(ipl new team price) ఈ కొత్త జట్లు చేరడం వల్ల ఎవరు ప్రయోజనం పొందుతారు? వీటి రాకతో ఐపీఎల్ ఫార్మాట్పై ఎలాంటి ప్రభావం చూపుతుంది? ఆసలు ఈ మెగాలీగ్లో జట్ల సంఖ్య ఎప్పుడు పెరిగింది? వంటి విశేషాల సమాహారమే ఈ కథనం..
ఎవరికి ప్రయోజనం?
జట్లు పెరగడం వల్ల మ్యాచ్ల సంఖ్య(60-74కు), నిర్వహణ రోజులు పెరుగుతాయి. దీంతో ప్రేక్షకులకు మరింత వినోదం అందుతుంది. తమ ప్రతిభను నిరూపించుకునేందుకు దాదాపు 50 మంది కొత్త ఆటగాళ్లకు అవకాశం కలుగుతుంది. వీరిలో 30 మంది వరకు భారత యువ ఆటగాళ్లు ఉంటారు.
ఎక్కువ మ్యాచ్ల వల్ల రాబోయే ఐదేళ్లకు ఐపీఎల్ ప్రసార హక్కులు రికార్డు ధర పలికే అవకాశముంటుంది(ipl broadcasting rights 2022). దీంతో బీసీసీఐ రూ.35 నుంచి 40 వేల కోట్ల ఆదాయం పొందనుందని తెలుస్తోంది! 2018 నుంచి 2022 వరకు బీసీసీఐ ఈ హక్కులను(ipl broadcasting rights) స్టార్ ఇండియాకు రూ.16,347.50 కోట్లకు విక్రయించింది.
ఫార్మాట్పై ప్రభావం?(ipl format)
ఐపీఎల్లో(ipl format 2022) కొత్త జట్ల రాకతో ప్రస్తుత ఫార్మాట్పై కాస్త ప్రభావం చూపొచ్చు. పది జట్లు రెండు గ్రూపులుగా విడిపోతాయి. ఒక గ్రూపులోని ఒక జట్టు అదే గ్రూప్లోని మిగతా నాలుగు టీమ్స్తో రెండు సార్లు తలపడతాయి. ఒక మ్యాచ్ సొంత మైదానంలో, మరో మ్యాచ్ ప్రత్యర్థి జట్టు మైదానంలో జరుగుతుంది. అంటే సొంత గ్రూపులో మొత్తం ఎనిమిది మ్యాచ్లు ఆడాల్సి ఉంటుంది. అలానే రెండో గ్రూపులోని నాలుగు జట్లతో ఒక్కో మ్యాచ్ ఆడుతుంది. మిగిలిన ఒక్క జట్టుతో రెండు సార్లు పోటీ పడుతుంది. దీని కోసం డ్రా ఉంటుంది. దీనిలో ఎవరు ఎప్పుడు, ఎవరితో ఆడనున్నారో వెల్లడిస్తారు. ఈ విధంగా లీగ్ దశలో మొత్తం 70 మ్యాచ్లు జరగుతాయి. క్వాలిఫయర్, ఎలిమినేటర్ (2), ఫైనల్తో కలిపి మొత్తం 74 మ్యాచ్లు జరుగుతాయి. 2011 సీజన్లోనూ ఇదే ఫార్మాట్ను అనుసరించారు. అప్పుడు కొచ్చి టస్కర్స్, పుణె వారియర్స్ చేరిక వల్ల పది జట్లతో టోర్నీని నిర్వహించారు. తర్వాత వివిధ కారణాల వల్ల ఈ రెండు జట్లు లీగ్ నుంచి నిష్క్రమించాయి.
ఎప్పుడెప్పుడు జట్లు పెరిగాయంటే?
2008లో ఎనిమిది జట్లతో లీగ్ ప్రారంభమైంది. 2011లో తొలిసారి రెండు కొత్త టీమ్స్ను ఐపీఎల్లో చేర్చారు. కొచ్చి టస్కర్స్ కేరళ, పుణె వారియర్స్ ఈ మెగాలీగ్లో భాగమయ్యాయి. ఆ తర్వాత 2012, 2013లో తొమ్మిది జట్లు పాల్గొన్నాయి. 2014లో పుణె వారియర్స్ వైదొలగగా జట్ల సంఖ్య ఎనిమిదికి చేరుకుంది.
2016లో మ్యాచ్ ఫిక్సింగ్ కారణంగా చెన్నై సూపర్ కింగ్స్(సీఎస్కే), రాజస్థాన్ రాయల్స్(ఆర్ఆర్) నిషేధానికి గురయ్యాయి. వీటికి బదులుగా రైజింగ్ పుణె సూపర్జెయింట్స్, గుజరాత్ లయన్స్ వచ్చి చేరాయి. అనంతరం సీఎస్కే, ఆర్ఆర్పై నిషేధం ఎత్తివేయగానే.. రైజింగ్ పుణె, గుజరాత్ లయన్స్ మెగాలీగ్ నుంచి తప్పుకొన్నాయి.
ఇదీ చూడండి: IPL New Team: కొత్త ఫ్రాంచైజీలుగా అహ్మదాబాద్, లఖ్నవూ
