ముంబయి ఫ్రాంచైజీ సంచలన నిర్ణయం- MI కెప్టెన్​గా హార్దిక్ పాండ్య

Mumbai Indians Captain 2024 : ముంబయి ఇండియన్స్ ఫ్రాంచైజీ సంచలన నిర్ణయం తీసుకుంది. ఇటీవల ట్రేడింగ్​లో జట్టులోకి రీ ఎంట్రీ ఇచ్చిన స్టార్ ఆల్​రౌండర్​ హార్దిక్ పాండ్యకు కెప్టెన్సీ బాధ్యతలు అప్పజెప్పింది.

Mumbai Indians Captain 2024 : ముంబయి ఇండియన్స్ ఫ్రాంచైజీ సంచలన నిర్ణయం తీసుకుంది. ఇటీవల ట్రేడింగ్​లో జట్టులోకి రీ ఎంట్రీ ఇచ్చిన స్టార్ ఆల్​రౌండర్​ హార్దిక్ పాండ్యకు కెప్టెన్సీ బాధ్యతలు అప్పజెప్పింది. ఈ క్రమంలో 2024 ఐపీఎల్​ నుంచి పాండ్య ముంబయికి సారధ్యం వహించనున్నాడు. కాగా, ఈ విషయాన్ని జట్టు కోచ్ మహేల జయవర్దనే తెలిపాడు. 'ముంబయి ఇండియన్స్ పద్ధతులకు అనుగుణంగానే ఈ నిర్ణయం తీసుకున్నాము. ఐపీఎల్​ 2024​ సీజన్​ నుంచి హార్దిక్ ముంబయి జట్టుకు నాయకత్వం వహిస్తాడు. రోహిత్ శర్మ కెప్టెన్సీకి మా కృతజ్ఞతలు. 2013 సీజన్​ నుంచి ముంబయి ఇండియన్స్​ కెప్టెన్​గా అతడి సేవలు అద్భుతం. ఐపీఎల్​ హిస్టరీలోనే రోహిత్ బెస్ట్ కెప్టెన్' అని జయవర్దనే అన్నాడు. కాగా, సచిన్ తెందూల్కర్, హర్బజన్ సింగ్, రికీ పాంటింగ్, రోహిత్ శర్మ తర్వాత హార్దిక్ ముంబయికి ఐదో కెప్టెన్​.

ప్లేయర్ టు కెప్టెన్ : 2015లో ఓ సాధారణ ప్లేయర్​గా ఐపీఎల్​లో హార్దిక్ ముంబయి ఇండియన్స్​ తరఫున అరంగేట్రం చేశాడు. తక్కువ కాలంలోనే జట్టులో అత్యుత్తమ ప్లేయర్​గా ఎదిగాడు హార్దిక్. తన అసాధారణ ఆటతో బ్యాటింగ్, బౌలింగ్​లోనూ ముంబయికి అనేక విజయాలు కట్టబెట్టాడు. అతడు 2015, 2017, 2019, 2020 సీజన్​లలో ముంబయి ఛాంపియన్​గా నిలిచిన జట్టులో సభ్యుడు. ఇక 2022 సీజన్​లో అతడు కొత్త ఫ్రాంచైజీ గుజరాత్​ టైటాన్స్​కు మారాడు. అదే సీజన్​లో గుజరాత్​ కెప్టెన్​గా బాధ్యతలు స్వీకరించిన హార్దిక్, తన జట్టును ఛాంపియన్​గా నిలిపాడు. కాగా 2023 సీజన్​లోనూ గుజరాత్​ను ఫైనల్​కు చేర్చిన ఈ కెప్టెన్​, రన్నరప్​తో సరిపెట్టుకోవాల్సి వచ్చింది. ఇక గతనెల డైరెక్ట్ ట్రేడింగ్​లో హార్దిక్ తిరిగి ముంబయి గూటికి చేరాడు.

• To new beginnings. Good luck, #CaptainPandya 💙 pic.twitter.com/qRH9ABz1PY

  — Mumbai Indians (@mipaltan) December 15, 2023 " class="align-text-top noRightClick twitterSection" data="

  To new beginnings. Good luck, #CaptainPandya 💙 pic.twitter.com/qRH9ABz1PY

  — Mumbai Indians (@mipaltan) December 15, 2023

  ">

  To new beginnings. Good luck, #CaptainPandya 💙 pic.twitter.com/qRH9ABz1PY

  — Mumbai Indians (@mipaltan) December 15, 2023

10 సీజన్​లలో 5 టైటిళ్లు : 2013 సీజన్​ మధ్యలో రికీ పాంటింగ్​ నుంచి రోహిత్ కెప్టెన్సీ బాధ్యతలు అందుకున్నాడు. అదే సీజన్​లో ముంబయిని ఛాంపియన్​గా నిలిపాడు రోహిత్. అప్పటి నుంచి సుదీర్ఘంగా పదేళ్లపాటు రోహిత్ ముంబయిని ముందుండి నడిపాడు. ఏ కెప్టెన్​కు సాధ్యంకాని విధంగా రోహిత్ 5సార్లు ముంబయిని ఐపీఎల్​ ఛాంపియన్​గా నిలిపాడు. కాగా 2023 సీజన్​తో ఎంఎస్​ ధోనీ కూడా చెన్నైకి 5 టైటిళ్లు అందించి రోహిత్​తో సమానంగా నిలిచాడు.