Maxwell marriage: ప్రముఖ ఆస్ట్రేలియా బిగ్‌ హిట్టర్‌, రాయల్ ఛాలెంజర్స్ బెంగళూరు కీలక ఆటగాడు గ్లెన్ మాక్స్వెల్ ఐపీఎల్-15వ సీజన్‌కు ముందు ఓ ఇంటివాడయ్యాడు. తన ప్రేయసి, భారతీయ యువతి వినీ రామన్ను శుక్రవారం వివాహమాడాడు. అందుకు సంబంధించిన ఫొటోలను ఈ జంట తమ ఇన్‌స్టాగ్రామ్‌లో పంచుకుంది. కొంతకాలంగా ప్రేమలో ఉన్న వీరిద్దరూ 2020 ఫిబ్రవరిలో ఎంగేజ్‌మెంట్‌ చేసుకున్నట్లు సామాజిక మాధ్యమాల ద్వారా వెల్లడించారు. అయితే అప్పటి నుంచీ లాక్‌డౌన్‌, ఇతర కారణాల వల్ల వివాహాన్ని వాయిదా వేస్తూ వస్తున్న ఈ జంట ఎట్టుకేలకు ఒక్కటైంది.
- " class="align-text-top noRightClick twitterSection" data="
">
భారత సంతతికి చెందిన అమ్మాయితోనే వివాహం..
తమిళనాడుకు చెందిన వినీ ఆస్ట్రేలియాలోని మెల్‌బోర్న్‌లో ఫార్మసిస్ట్‌గా పనిచేస్తున్నారు. ఈ క్రమంలోనే వారి మధ్య పరిచయం ఏర్పడి తర్వాత ప్రేమికులుగా మారారు. ఇప్పుడు పెళ్లి చేసుకొని కొత్త జీవితాన్ని ప్రారంభించారు. ఈ కొత్త జంటకు రాయల్ ఛాలెంజర్స్ బెంగళూరు కూడా ప్రత్యేకంగా శుభాకాంక్షలు చెప్పింది. కొద్దిసేపటి క్రితం ఆ విషయాన్ని తెలియజేస్తూ ఓ పోస్టు పెట్టింది.
ఇదీ చదవండి: బంగ్లాతో సిరీస్‌కు దక్షిణాఫ్రికా జట్టు ఎంపిక.. ఐపీఎల్లో ఆటగాళ్లు లేకుండానే!
