Kieron Pollard News: టీమ్ఇండియాతో వన్డే, టీ20 సిరీస్ నేపథ్యంలో త్వరలోనే భారత్ పర్యటించనుంది వెస్టిండీస్ జట్టు. ఈ మేరకు వన్డే జట్టును కూడా ప్రకటించింది వెస్టిండీస్ బోర్డు. అయితే.. బోర్డు నిర్ణయం అనంతరం.. విండీస్ కెప్టెన్ కీరన్ పొలార్డ్, సీనియర్ ఆటగాళ్ల మధ్య విభేదాలు తలెత్తినట్లు వార్తలు విస్తృతమయ్యాయి. ఆల్రౌండర్ ఓడెన్ స్మిత్ విషయంలో పొలార్డ్ అసంతృప్తి వ్యక్తం చేసినట్లు కూడా తెలిసింది.
కెప్టెన్ పొలార్డ్పై వస్తున్న ఆరోపణలపై క్రికెట్ వెస్టిండీస్ అధ్యక్షుడు రిక్కీ స్కెర్రిట్ స్పందించాడు. కీరన్పై ఒత్తిడి పెంచేందుకు ఇలా చేశారని, ఈ వార్తల్లో నిజంలేదని కొట్టిపారేశాడు. జట్టు సభ్యుల మధ్య ఎలాంటి వివాదం తలెత్తలేదని స్పష్టం చేశాడు.
ప్రస్తుతం విండీస్ జట్టు తమ సొంతగడ్డపై ఇంగ్లాండ్తో సిరీస్ ఆడుతోంది. 5 మ్యాచ్ల టీ20 సిరీస్లో 2-1తో ఆధిక్యంలో ఉంది. ఈ సిరీస్ అనంతరం.. భారత్ పర్యటనలో భాగంగా టీమ్ఇండియాతో మూడు వన్డేలు, మూడు టీ20లు ఆడనుంది. ఫిబ్రవరి 6న ఇరు జట్ల మధ్య తొలి వన్డే జరగనుంది.
సంబంధం కోసం వెతుకుతున్నారా? తెలుగు మాట్రిమోని లో రిజిస్ట్రేషన్ ఉచితం!
ఇదీ చదవండి:
వచ్చే నెల నుంచి రంజీ మ్యాచ్లు: బీసీసీఐ
Faisal Ali Dar: బ్రూస్‌లీ, జాకీ చాన్‌ సినిమాలతో ప్రేరణ పొంది.. పద్మశ్రీకి ఎంపికై
